Լիբանանը խստորեն դատապարտում է Ադրբեջանին հայ գերիների սպանության համար

Լիբանանը խստորեն դատապարտում է տեսանյութերում տեղ գտած գործողությունները, որոնք ադրբեջանցի զինվորները կատարում են հայ զինվորների նկատմամբ, ինչը 1949 թվականի Ժնևի կոնվենցիաների կոպիտ խախտում է։ Այս մասին ասվում է Լիբանանի ԱԳՆ թվիթերյան գրառման մեջ։

«Լիբանանը խստագույնս դատապարտում է հրապարակված տեսանյութում ադրբեջանական զինուժի գործողությունները հայ զինվորների նկատմամբ, որոնք 1949 թվականի Ժնևի կոնվենցիաների կոպիտ խախտում են։

Մենք ողջունում ենք տեսանյութի վերաբերյալ հետաքննություն անցկացնելու Ադրբեջանի դատախազության որոշումը։

Լիբանանը վերահաստատում է Ադրբեջանի իշխանություններին ուղղված իր պահանջը՝ անհապաղ ազատ արձակել բոլոր հայ ռազմագերիներին, մասնավորապես՝ Լիբանանի քաղաքացի, ազգությամբ հայ Վիգեն Էուլջեքյանին»։