Ղրղզստանը ԱԹՍ է օգտագործում Տաջիկստանի վրա հարձակվելու համար

Հակառակ զինադադարի մասին պայմանավորվածությանը, տեղական ժամանակով ժամը 15:00-ից Ղրղզստանը ռազմական ուղղաթիռներ եւ մարտական ​​անօդաչու թռչող սարքեր է օգտագործում Տաջիկստանի բնակելի տները եւ քաղաքացիական կառույցները թիրախավորելու համար, «ՌԻԱ Նովոստի» լրատվական գործակալությանը հայտնել են Տաջիկստանի ազգային անվտանգության պետական ​​կոմիտեում։

«Հակառակ ուժային կառույցների ղեկավարների հանդիպմանը եւ հրադադարի մասին հայտարարությանը, մեկուկես ժամ անց ղրղզական կողմը զենքերից եւ զինտեխնիկայից սկսել է կրակել Բոբոջոնի, Գաֆուրովի, Վորուխի եւ Չորկուհի ուղղությամբ»,- հաղորդում է Ազգային անվտանգության պետական ​​կոմիտեի մամուլի կենտրոնը։

Տաջիկստանի ազգային անվտանգության պետական ​​կոմիտեի տվյալներով՝ Ղրղզստանը ռազմական ուղղաթիռներ եւ մարտական ​​անօդաչու թռչող սարքեր է օգտագործում Տաջիկստանի բնակելի տները եւ քաղաքացիական կառույցները թիրախավորելու համար եւ լրացուցիչ ուժեր ու տեխնիկա է տեղափոխում Ղրղզստանի Բոտկենի շրջանի Տաջիկստանին սահմանամերձ շրջաններ։

Ղրղզստանի եւ Տաջիկստանի սահմանին լայնամասշտաբ բախումներ են սկսվել ուրբաթ առավոտյան։ Կողմերը միմյանց մեղադրել են հրետակոծության համար։ Ավելի ուշ Ղրղզստանի սահմանապահ ծառայությունը հայտնել է, որ երկու երկրների հատուկ ծառայությունների ղեկավարները հրադադարի շուրջ պայմանավորվածություն են ձեռք բերել։ Երեկոյան մոտ Ղրղզստանի սահմանապահ ծառայությունը հայտարարել է տաջիկ զինվորականների կողմից հրադադարի ռեժիմը խախտելու մասին։

Հիշեցնենք, որ Ղրղզստանն ու Տաջիկստանը ՀԱՊԿ անդամ պետություններ են։