Եկել ենք ԱԺ՝ առաջարկություն ներկայացնելու և բաց քննարկում ծավալելու նպատակով․ Արծվիկ Մինասյանը և Սեյրան Օհանյանը ԱԺ-ում են

«Հայաստան» խմբակցության ղեկավար Սեյրան Օհանյանը և քարտուղար Արծվիկ Մինասյանը Ազգային Ժողովում են՝ խորհրդարանին առաջարկություն ներկայացնելու նպատակով։ Վարման կարգով եկլույթ ունեցավ Արծվիկ Մինասյանը՝ նշելով, որ «Հայաստան» խմբակցությունը ամբողջ գիշեր աշխատել է և այսօր ԱԺ-ում են հատուկ նպատակով։

«Ես և պարոն Օհանյանը ԱԺ-ում ենք, որպեսզի պահանջ առաջադրենք մի կողմ մղել ԱԺ ընթացիկ օրակարգերը և քննարկել ստեղծված իրադրությունը և այն անելիքները, որը պետք է իրականացնենք իբրև պետություն, քննարկենք իշխանության այն կեղծ խաղաղության օրակարգը, որը հանգեցրեց այս ամենին»,- ասաց նա։

Մինասյանը նշեց, որ ներկա պահին խմբակցությունն աշխատում է հայտարարության նախագծի վրա, որը առաջիկայում նույնպես կառաջարկվի ԱԺ-ին։

Արձագանքելով՝ ԱԺ նախագահ Ալեն Սիմոնյանն ասաց, որ ցանկալի կլիներ, եթե «Հայաստան» խմբակցությունն ամբողջ կազմով ներկա լինի և մասնակցի բաց քննարկմանը։