Կանադացի զինվորականներին սեղանի խաղերի միջոցով կսովորեցնեն պայքարել ԻՊ դեմ

Կանադայի բանակը փորձ է իրականացնում սեղանի խաղերի միջոցով «Իսլամական պետություն» ահաբեկչական խմբավորման դեմ պայքարի ձեւեր սովորեցնելու նպատակով, հայտնում է CBC News–ը:

«ԻՊ ճգնաժամը» (ISIS Crisis) խաղի հավաքածուն, որը մշակվել է կառավարության պատվերով, բաղկացած է Իրաքի ու Սիրիայի քատեզներից, մարկերներից ու խաղաքարտերից, որոնց վրա նշված են պայմաններն ու առաջադրանքները: Խաղը նախատեսված է այն սպաների համար, որոնք ռազմական պլանավորման գիտելիքներ չունեն, այն պետք է զարգացնի ոչ ստանդարտ մտածողություն, որը թույլ է տալիս ամենաանսպասելի ձեւով լուծել առաջադրանքը:

Մասնավորապես շնորհանդեսներից մեկի ժամանակ մասնակիցներին առաջարկել են փորձել իրենց ուժերը՝ խաղալով Իրաքի քարտեզի վրա թե ԻՊ դերում, թե հակամարտության մնացած կողմերի՝ այդ թվում քրդերի, նաեւ իրավապաշտպան կազմակերպությունների առանձին խմբի, լրատվամիջոցների ու Միջազգային քրեական դատարանի դերերում: