Հենրիխ Մխիթարյանը բաց կթողնի «Լացիոյի» դեմ խաղը

Իտալիայի փոխչեմպիոն Միլանի «Ինտերի» նորեկ, Հայաստանի հավաքականի նախկին կիսապաշտպան Հենրիխ Մխիթարյանը բաց կթողնի հռոմեական «Լացիոյի» դեմ առաջիկա հանդիպումը։ Իտալիայի առաջնության երրորդ տուրի այդ խաղը տեղի կունենա օգոստոսի 26-ին եւ կմեկնարկի Երեւանի ժամանակով 22:45-ին։

Հայ ֆուտբոլիստը ծնկատակի ջլի վնասվածք էր ստացել Իտալիայի առաջնության առաջին տուրում, «Լեչեի» դեմ հանդիպման առաջին խաղակեսում՝ անցկացնելով 33 րոպե։

Մխիթարյանի վերադարձը խաղադաշտ սպասվում է Իտալիայի առաջնության չորրորդ տուրում, գրում է իտալական Corriere dello Sport-ը։ «Ինտերը» օգոստոսի 30-ին կընդունի «Կրեմոնեզեին»։

Իտալացի Սիմոնե Ինձագիի գլխավորած թիմն առաջին երկու հանդիպումներում հաղթել է եւ «Նապոլիի» ու «Ռոմայի» հետ երեք առաջատարների թվում է։