Քաղաքագետ. Ռուսաստանը շահագրգռված է Անդրկովկասում կայունության պահպանման մեջ

Regnum.ru-ն գրում է, որ անդրկովկասյան տարածաշրջանում կայունությունը չափազանց կարևոր է Ռուսաստանի անվտանգության համար։ Այդ մասին  REGNUM-ի թղթակցին ասել է kavkazoved.info կայքի գլխավոր խմբագիր Անդրեյ Արեշևը։

«Ռուսաստանի շահերից է բխում Անդրկովկասում կայունության պահպանումը, և Երևանի, Բաքվի և Թբիլիսիի համար առնվազն հավասարակշռված և բազմավեկտոր արտաքին քաղաքական ուղղվածության պահպանումը, հաշվի առնելով Մոսկվայի այն մտահոգությունները, որ պետք է  խուսափել այդ հանրապետությունների Ռուսաստան նկատմամբ բացահայտ թշնամական վերածվելուց։ Եթե ​​ամերիկացիները շահագրգռված են տարածաշրջանի ապակայունացմամբ, ապա Մոսկվայի համար կարևոր է, որ Հայաստանից, Ադրբեջանից կամ Վրաստանից որևէ սպառնալիք չլինի կապված Ուկրաինայում և Ուկրաինայի շուրջ ստեղծված իրավիճակի հետ։ Այստեղ պետք է ի նկատի առնել ոչ միայն ռազմաքաղաքական, այլ նաև տեղեկատվական սպառնալիքները, և սպառնալիքների այն ամբողջ համալիրը, որը որոշ փորձագետներ անվանում են «հիբրիդային պատերազմ», և որը ԱՄՆ-ն ու նրա դաշնակիցները մղում են Ռուսաստանի դեմ ոչ միայն Ուկրաինայում, այլ նաև ամենուր՝ այդ թվում Անդրկովկասում և Թուրքեստանում, որտեղ, հաշվի առնելով միայն 2022 թվականին տեղի ունեցած անկարգությունները Ղազախստանում, Գորնո-Բադախշանում և Կարակալպակիայում կարող է լուրջ խառնաշփոթ առաջանալ», -ասել է Անդրեյ Արեշևը:

Հիշեցնենք, որ ԿՀՎ տնօրեն Ուիլյամ Բյորնսը վերջերս այցելել է Անդրկովկասի հանրապետություններ։