Հայտնի են դարձել Քիմ Քարդաշյանի ու նրա սիրեկանի էրոտիկ տեսանյութի մանրամասները

Հեռուստաաստղ Քիմ Քարդաշյանը հայտնի դարձավ 2003 թվականին, երբ համացանցում տարածվեց իր ու դերասան Ռեյ Ջեյի էրոտիկ տեսանյութը։

Այն դիտեցին  ամբողջ աշխարհում, և հաշված ժամերի ընթացքում հայազգի հեռուստաաստղի անունը բոլորին հայտնի դարձավ։ peopletalk.ru-ն հայտնում է, որ տարիներ անց դերասանը հարցազրույց է տվել Heat ամսագրին ու պատմել այդ տեսանյութի մասին ամբողջ ճշմարտությունը։

«Ես պարզապես կատարեցի իմ դերն ու օգնեցի Քիմին հայտնի դառնալ։ Եթե մի փոքր ուշադիր լինեք, ապա կնկատեք դա»,- ասել է Ռեյը։ Կարծիք կա, որ այդ տեսանյութի տարածման հետևում կանգնած է Քիմի մայրը՝ Քրիս Ջեները։ Ռեյը նրան «իրական մարմնավաճառ» է անվանել։

Աղբյուրը վկայում է, որ Քրիս Ջեները ստիպել է Քիմին նման տեսահոլովակ նկարահանել՝ հետևելով դերասանուհի Փերիս Հիլթոնի օրինակին, ով նույնպես նման հոլովակի միջոցով հայտնի դարձավ։

Փերիսը բազմիցս նշել է, որ այդ տեսանյութի տարածումը չափազանց ծանր էր իր համար, սակայն Քիմի դեպքում իրավիճակն այլ է։ Հարցազրույցի ընթացքում Ռեյն ասել է, որ իր ու Քիմի ինտիմ կյանքը պատկերող տեսանյութի ձայնագրությունը միայն Քիմն է ունեցել։

Սա նշանակում է, որ դրա տարածման հետևում իրոք Քարդաշյաններից մեկն է կանգնած։ Սա, հավանաբար ամենաամոթալի, խայտառակ ու հաջողված PR քայլն էր, որ կարելի էր անել։