Դոլարային ճակատամարտեր․ հանրությունից հավաքում են վերջին արժույթները

Հայաստանի բանկային համակարգում տարօրինակ երևույթներ են կատարվում։ ԱՄՆ դոլարի արժեզրկմանը զուգահեռ՝ հանրության մեջ խուճապային տրամադրություններ են ստեղծվում՝ մարդկանց մոտ գտնվող վերջին դոլարային խնայողությունները պարզապես խլելու համար։

Հայաստանյան որոշ բանկեր հրաժարվում են արտարժույթով վճարել միջազգային փոխանցումները, Հայէկոնոմբանկը, օրինակ, շուրջ երկու ամիս հրաժարվում է մարդկանց գումարը վճարել արժույթով՝ ստիպելով գումար կանխիկացնել միայն հայկական դրամով։

Այլ խոսքերով ասած՝ բանկերի սեփականատերերը, օլիգարխիկ շրջանակները՝ գործող իշխանությունների թողտվությամբ և գործուն մասնակցությամբ, դոլար են կուտակում։ Թերևս, կանխատեսումներ ունեն, որ դոլարի փոխարժեքն առաջիկայում կարող է շոշափելի բարձրանալ։

Բավական սահմանափակ կանխիկ գումար են սկսել տալ նաև տարբեր բանկերի բանկոմատները։ Այս ամենն արվում է, որպեսզի ՀՀ քաղաքացիներին ստիպեն մանրել պահած դոլարային խնայողությունները՝ արհեստական դեֆիցիտ ստեղծելով։ Վերլուծաբանները արհեստական են համարում թե՛ դոլարի փոխարժեքի լուրջ նվազումը, թե՛ բանկային խաղերը՝ հորդորելով առավելագույնս զգոն լինել, չտրվել խուճապին։

Մանվել Հայրապետյան