Հայաստանում հականարնջագույն հեղափոխություն է տեղի ունենում. փորձագետ

Regnum.ru-ն գրում է, որ Հայաստանի վարչապետ Նիկոլ Փաշինյանը Արևմուտքի հովանավորյալն է և վայելում է նրա լիակատար աջակցությունը։ Այդ մասին REGNUM-ի թղթակցին հայտնել է քաղաքագետ Ասլան Ռուբաևը։

«Այսօր իրական ժամանակում մենք ականատես ենք համաշխարհային պատմության մեջ եզակի դեպքի, երբ Հայաստանում հականարնջագույն հեղափոխություն է տեղի ունենում։ Դա իսկապես տեղի է ունենում, մարդիկ դուրս են գալիս ու հակաժողովրդական իշխանության դեմ ելույթ ունենում։ Խնդրում ենք նկատի ունենալ, որ երբ նման զանգվածային հանրահավաքներ են տեղի ունենում, Արևմուտքը միշտ էլ միջամտում է և ինչ-որ մեկնաբանություններով և առաջարկություններով դատապարտում իշխանությունների ոչ ժողովրդավարական լինելը։ Բայց Փաշինյանի դեպքում մի տեսակ նրբանկատորեն լռում է։ Եվ դա ևս մեկ անգամ ապացուցում է Փաշինյանի սերտ կապը Արևմուտքի հետ։ Սխեման գործում է. «նա շան տղա է, բայց իրենց շան տղան»։ Հետևաբար, Արևմուտքն, իհարկե, չի զիջի նրան»,- ասել է փորձագետը։

Հիշեցնենք, որ ապրիլի 17-ից Հայաստանի ընդդիմության զանգվածային ցույցեր են տեղի ունենում Փաշինյանի կառավարության հրաժարականի պահանջով։


Նյութը հրապարակման պատրաստեց Կամո Խաչիկյանը

www.1or.am