Նոր մանրամասներ ՀՀԿ շրջանային խորհուրդների կազմակերպիչների տներում խուզարկություններից
ՔԱՂԱՔԱԿԱՆՈՒԹՅՈՒՆ
ԱԺ «Պատիվ ունեմ» խմբակցության պատգամավոր Հայկ Մամիջանյանը ֆեյսբուքյան իր էջում հայտնում է, որ վաղ առավոտվանից խուզարկություն է իրականացվում ՀՀԿ Նոյեմբերյանի և Գյումրիի շրջանային խորհրդի կազմակերպիչների տանը:
ՀՀԿ Նոյեմբերյանի շրջանային խորհրդի կազմակերպիչ Կարո Գրիգորյանը 1or.am-ի հետ զրույցում նշեց, որ այս պահին Նոյեմբերյանում չի և ոչ մի ինֆորմացիա չունի: Մեր հարցին, թե ինչ նպատակով է իրականացվել խուզարկությունը, Գրիգորյանը պատասխանեց.
«Մեզ ոչ մի հստակ բան չեն ասել: Ես տեղյակ եմ, որ միայն մեզ մոտ չի իրականացվում խուզարկություն, այլ նաև ՀՀԿ այլ շրջանների խորհրդի կազմակերպիչների տներում, բայց ոչ մի հստակ պատճառ ու մեկնաբանություն չեն ներկայացնում: Ենթադրելի է, որ պատճառը մեր «Դիմադրություն» շարժումն է, նպատակը՝ դրա կասեցումը»:
Հավելենք, որ, որ վաղ առավոտից խուզարկությունների մասին ահազանգել են նաև ՀՅԴ-ի, «Հայրենիք» կուսակցության ներկայացուցիչները։
Մարիամ Նալբանդյան
