Ուկրաինան հաստատել է Ռուսաստանի հետ բանակցությունների դադարեցումը

Ուկրաինան հայտնել  է Ռուսաստանի հետ բանակցությունների դադարեցման մասին: Այս մասին United News հեռուստամարաթոնի եթերում հայտարարել է Ուկրաինայի նախագահի գրասենյակի ղեկավար Միխայլո Պոդոլյակը, հայտնում է Ուկրաինա 24-ը։

 «Ուկրաինայի և Ռուսաստանի Դաշնության միջև բանակցությունների գործընթացը կասեցվել է։  Սակայն այն կվերականգնվի, և, ինձ թվում է, մոդերատորը կլինի Զելենսկին»,- ասել է Պոդոլյակը։  Նա հավելել է, որ Ուկրաինան չի պատրաստվում ոչինչ տալ «Պուտինի դեմքը փրկելու համար»։

Ավելի վաղ ՌԴ փոխարտգործնախարար Անդրեյ Ռուդենկոն հայտարարել էր, որ Ուկրաինան «գործնականում» դուրս է եկել Ռուսաստանի հետ բանակցային գործընթացից։