Մակրոնի այցը Կիև չի բացառվում․ Ֆրանսիայի ԱԳՆ

Ֆրանսիայի արտաքին գործերի նախարարությունը հայտարարել է, որ նախագահ Էմանուել Մակրոնը կարող է այցելել Կիև, սակայն առայժմ այցելության համար հարմար պայմաններ չեն ձևավորվել։ Այս մասին հաղորդում է ՏԱՍՍ գործակալությունը՝ վկայակոչելով Ֆրանսիայի ԱԳՆ պաշտոնական ներկայացուցիչ Անն-Կլեր Լեժանդրին։

«Ֆրանսիայի նախագահը չի բացառում այցը Կիև», - նշել է ԱԳՆ ներկայացուցիչն ու հավելել, որ այնուամենայնիվ ներկա պահին «չկան գործնական գործոններ, որոնք կարող են նպաստել այդ այցին»։

Ավելի վաղ Մակրոնը հայտարարել էր, որ պատրաստ է այցելել Ուկրաինա, եթե այդ այցելությունը որևէ օգուտ կբերի, օրինակ՝ թույլ կտա կարգավորել երկխոսությունը ՌԴ նախագահ Վլադիմիր Պուտինի և Ուկրաինայի նախագահ Վլադիմիր Զելենսկիի միջև։