Ռուսական բանակը երկուշաբթի՝ ապրիլի 18-ի առավոտյան, 5 հրթիռային հարված է հասցրել Լվովի վրա՝ 6 մարդ զոհվել, 8-ը՝ վիրավորվել։ Այս մասին հայտնել է Լվովի քաղաքապետը, տեղեկանում ենք Украинская правда-ից:
Հարվածի հետևանքով հրդեհներ են բռնկվել։
Նշվում է, որ հարվածի տակ հայտնված օբյեկտները զգալի վնաս են կրել։
Ժամը 10-ի դրությամբ հայտնի է 6 զոհի և 8 վիրավորի մասին, վիրավորների թվում կա մեկ երեխա։
Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:
ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։
Գերագույն Ռադան Ուկրաինայում ռազմական դրություն է մտցրել։
