Անկարան ձեռքերը ծալած չի նստի ու սպասի. Թուրքիան ցանկանում է բարեփոխել միջազգային անվտանգության համակարգը

Թուրքիայի արտաքին գործերի նախարար Մևլութ Չավուշօղլուն կոչ է արել բարեփոխել միջազգային անվտանգության համակարգը։ Երկրի ԱԳՆ ղեկավարը նշել է, որ նման անհրաժեշտության մասին է վկայում Ուկրաինայի պատերազմի օրինակը, հայտնում է Haberler-ը:

«Միջազգային անվտանգության համակարգը, ՄԱԿ-ի համակարգն ի վիճակի չեն լուծելու հակամարտություններ, բարդ հարցեր»,- ընդգծել է Չավուշօղլուն, որի պնդմամբ՝ համակարգը բարեփոխման կարիք ունի։ Միևնույն ժամանակ, դիվանագետը շեշտել է, որ Անկարան պատրաստ չէ «ձեռքերը ծալած նստել ու սպասել, որ դրանք տեղի ունենան»։

Արտգործնախարարը հավելել է, որ Թուրքիան աջակցում է իր բոլոր հարևանների տարածքային ամբողջականությանը։

«Թուրքիայի դիրքորոշումը հիմնված է արդար և հավասարակշռված մոտեցման վրա»,- հավելել է Մևլութ Չավուշօղլուն։