Հարավային Կորեան հրաժարվել է ՆԱՏՕ-ի հրամանը կատարելուց

Հարավային Կորեան հաստատել է ՆԱՏՕ-ին, որ հրաժարվում է Ուկրաինային մահաբեր զենք մատակարարել։ Այս մասին հայտնել են ռուսական լրատվամիջոցները։

Ինչպես հայտնում է Yonhap-ը, դաշինքի ռազմական կոմիտեի նախագահ Ռոբ Բաուերը Սեուլում քննարկել է ռազմական օգնությունը երկրի պաշտպանության նախարարի և զինված ուժերի շտաբների պետերի կոմիտեի նախագահի հետ զրույցում, ըստ գործակալության, «նրանք վերահաստատել են իրենց դիրքորոշումը Ուկրաինային մահաբեր զենք տրամադրելու դեմ»։

Նախօրեին Զելենսկին, ելույթ ունենալով Հարավային Կորեայի խորհրդարանում, խնդրել էր զենք ուղարկել Ուկրաինա, այդ թվում՝ զրահատեխնիկա և հակատանկային զենք։