Լոռ բժիշկը պատմել է հին դիմակներ կրելու վտանգների մասին
ՀԱՍԱՐԱԿՈՒԹՅՈՒՆ
News.ru-ն գրում է, որ քիթ-կոկորդ-ականջաբան Վլադիմիր Զայցևն ասել է, որ բակտերիաներն ու վիրուսները մնում են հին բժշկական դիմակների վրա և մտնում օրգանիզմ, երբ պաշտպանիչ սարքները նորից օգտագործվում են։ Մասնագետի խոսքով շնչառությունից առաջացած խոնավության պատճառով վարակը նորից անցնում է օրգանիզմ։ Այդ գործընթացին կարող են նպաստել նաև խոնավ եղանակը եւ ցածր ջերմաստիճանը։
«Մենք արտաշնչում ենք ոչ այնքան ստերիլ օդ։ Այն աղտոտված է լինում բակտերիաներով և վիրուսներով: Մարդը սկսում է ներշնչել այն վարակը, որը գտնվում է դիմակի վրա, և դա իսկապես վտանգ է ներկայացնում»,- բացատրել է Զայցևը։ Առավել վտանգի տակ են այն մարդիկ, ովքեր ունեն բրոնխաթոքային հիվանդություններ և վերին շնչուղիների հիվանդություններ՝ ֆարինգիտ, տոնզիլիտ, լարինգիտ, հետքթային այտուց, ռինոսինուսիտ:
Միջազգային բժշկական կլաստեր հիմնադրամի գլխավոր տնօրենի խորհրդական, սրտաբան Յարոսլավ Աշիխմինն ավելի վաղ ասել էր, որ խրոնիկական սթրեսը աղետալի ազդեցություն է ունենում մարդու առողջության վրա հանգեցնելով ինսուլտի և սրտի կաթվածի։ Սթրեսի պատճառով, պարզաբանել է փորձագետը, մարդկանց մոտ սկսում է բարձրանալ արյան ճնշումը, ինչը հանգեցնում է լուրջ հետևանքների։ Արյան բարձր ճնշումը կարող է առաջացնել նաև հիշողության խանգարում, մտավոր գործառույթների նվազում, տեսողության խանգարում, հավելել է սրտաբանը։
Նյութը հրապարակման պատրաստեց Կամո Խաչիկյանը
