Ռուսաստանի և Ուկրաինայի միջև բանակցությունները կշարունակվեն ապրիլի 1-ին

Ռուսաստանն ու Ուկրաինան ուրբաթ օրը կշարունակեն բանակցությունները տեսակոնֆերանսի միջոցով։ Այս մասին ТАСС-ին հայտնել է ռուսական աղբյուրը։

Մարտի 29-ին Ստամբուլում կայացել է Ռուսաստանի և Ուկրաինայի պատվիրակությունների առաջին դեմ առ դեմ բանակցությունների փուլը վերջին ավելի քան երեք շաբաթվա ընթացքում։ Ռուսական կողմն այս փուլի արդյունքները գնահատել է որպես «դրական առաջընթաց»։ Համաձայն դրա արդյունքների՝ ՌԴ նախագահի օգնական Վլադիմիր Մեդինսկին, որը գլխավորում է ռուսական պատվիրակությունը, Կիևի գրավոր առաջարկները, որոնք ներկայացված են այս հանդիպմանը, պարունակում են դրույթներ Ուկրաինայի՝ ՆԱՏՕ-ին և միջուկային զենքին միանալուց հրաժարվելու, ինչպես նաև երկրի՝ դաշինքից ազատ կարգավիճակի մասին։

Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:

ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։

Գերագույն Ռադան Ուկրաինայում ռազմական դրություն է մտցրել։