Մոսկվայում բնակարանների վարձավճարները նվազել են

Մոսկվայում բնակարանների վարձավճարները նվազել են 5 տոկոսով։ Ինչպես տեղեկացնում է Lenta.ru-ն, այդ մասին պատմել է անշարժ գույքի հարցերով փորձագետ Սերգեյ Զաբարովը։

Մասնագետը նշել է, որ երկրում ոչ դյուրին տնտեսական վիճակի պատճառով անշարժ գույքի և վարձակալության գները մայրաքաղաքում ընկել են։ Դա տեղի է ունեցել այն բանից հետո, երբ շատերը կորցրել են աշխատանքն ու զրկվել բնակարանի վարձը վճարելու հնարավորությունից։ Զաբարովը նշել է, որ առանց կայուն եկամուտի մնացած մարդիկ լավագույն դեպքում տեղափոխվում են ավելի էժան հատվածներ, իսկ վատագույն դեպքում՝ վերադառնում հայրենի քաղաքներ։

«Անկայուն վիճակի պատճռով հայտնի չէ, թե ինչ է լինելու հետո, եթե այսպես շարունակվի, պահանջարկը շարունակելու է նվազել»,-ասել է փորձագետը։

Նա հավելել է, որ ստեղծված իրավիճակը չի ազդել սեփական բնակարանը վաճառել ցանկացողների պլանների վրա․ նրանք, որոնք ցանկանում էին վաճառել բնակարանը, շարունակում են գնորդ գտնել։

Մոսկվայում բնակարանների վարձավճարները նվազել են