Եվրոպան պատժամիջոցներ է սահմանել, բայց Ֆրանսիան չի պատերազմում ՌԴ-ի հետ. Մակրոն

Եվրոպան պատժամիջոցներ է սահմանել Ուկրաինայում հակամարտության պատճառով, բայց Ֆրանսիան չի պատերազմում Ռուսաստանի հետ: Ինչպես գրում է ՏԱՍՍ-ը, նման հայտարարությամբ է հանդես եկել Ֆրանսիայի նախագահ Էմանուել Մակրոնը:

Ուկրաինայում ՌԴ սկսած հատուկ ռազմական գործողության մեկնարկից հետո Արևմուտքը խիստ պատժամիջոցներ է  սահմանել ընդդեմ Ռուսաստանի: Սպիտակ տունը հայտնել է, որ պատժամիջոցները կչեղարկվեն, եթե Ռուսաստանը դադարեցնի ռազմական գործողությունը:

Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։

Հեռուստաուղերձում նա ասել էր, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»:
Ռուսաստանի ղեկավարի խոսքով, արյունահեղության ողջ պատասխանատվությունը կլինի Ուկրաինայում իշխող ռեժիմի խղճի վրա։ Նա ուկրաինացի զինվորականներին կոչ է արել չկատարել ուկրաինական իշխանությունների հանցավոր հրամանները, վայր դնել զենքերն ու գնալ տուն։