Ադրբեջանական ռազմական ինքնաթիռները զանգվածաբար զենք են փոխադրում Ուկրաինայի զինված ուժերի համար F-35 կործանիչների ուղեկցությամբ
ՄԻՋԱԶԳԱՅԻՆ
novostivl.ru-ն գրում է, որ Avia.pro հրատարակությունը, հղում անելով Հայաստանի ԶԼՄ-ներին և հեռագրային ալիքներին, հաղորդում է, որ Ադրբեջանը, հնարավոր է, սկսել է զենք մատակարարել Ուկրաինայի զինված ուժերին։ Չհաստատված տեղեկությունների համաձայն` Կիև թռչող հատուկ ինքնաթիռները ուղեկցվում են F-35 կործանիչներով, որը թույլ է տալիս ենթադրել, որ Ուկրաինային զենքի մատակարարումը տեղի է ունենում ՆԱՏՕ-ի անմիջական մասնակցությամբ։
«Եվս մեկ չվերթ Բաքվից F-35-ների ուղեկցությամբ դեպի Լեհաստան Ուկրաինային աջակցելու բեռներով, մեծ է հավանականությունը, որ ինքնաթիռում կա զենք և զինամթերք»,- հայտնել է Republic of Artsakh հայկական հեռագրային ալիքը։
Ռազմական փորձագետները կարծում են, որ օդանավում կարող են լինել ոչ միայն զենքեր, այլ նաև կամիկաձե անօդաչուներ, որոնք Ադրբեջանը լայնորեն օգտագործել է Ղարաբաղում հակամարտության ժամանակ, ինչպես նաև Bayraktar TB2 հարվածային անօդաչու թռչող սարքերը։ Բացի այդ, բավական խիստ մտահոգություն են առաջացնում Ուկրաինային հակաօդային պաշտպանության համակարգերի փոխանցման մասին լուրերը։ Ադրբեջանական կողմը չի մեկնաբանել այս իրավիճակը։
Նյութը հրապարակման պատրաստեց Կամո Խաչիկյանը
