Աշխատելու նպատակով ՌԴ մեկնող ՀՀ քաղաքացիները պետք է պարտադիր բժշկական զննություն անցնեն

c

Հայաստանի Միգրացիոն ծառայությունը հայտնում է, որ Ռուսաստանի Դաշնությունը խստացրել է միգրացիոն օրենսդրությունը,համաձայն որի 2021 թվականի դեկտեմբերի 29-ից Ռուսաստան մուտք գործող օտարերկրյա քաղաքացիները, այդ թվում ՀՀ քաղաքացիները, պետք է  անցնեն  դակտիլոսկոպիկ (մատնահետքի) հանձնում և լուսանկարում, ինչպես նաև պարտադիր բժշկական զննություն:

Նշված ընթացակարգերը պետք է անցնեն.

• Աշխատելու նպատակով ՌԴ մուտք գործող ՀՀ քաղաքացիները (ովքեր միգրացիոն քարտում այցի նպատակը նշել են «աշխատանք»)
• 90 օրից ավել ժամկետով և ոչ աշխատանքային նպատակով ՌԴ մեկնողները՝ այդ թվում աշխատանքային միգրանտների ընտանիքի անդամները
• 6 տարեկանից բարձր երեխաները

 Պարտադիր ընթացակարգերն անցնելուց ազատվում են.

• Բելառուսի Հանրապետության քաղաքացիները,
• Մինչև 6 տարեկան երեխաները
• Միգազգային կազմակերպություններում աշխատող պաշտոնատար անձիք
• ՌԴ-ում օտարերկրյա դիվանագիտական ներկայացուցչությունների և հյուպատոսությունների ղեկավարները և  վարչական և տեղեկատվական անձնակազմը 90 օրացուցային օրից քիչ/պակաս ժամկետով Ռուսաստան մուտք գործած Հայաստանի Հանրապետության քաղաքացիները մասնավոր այցի (այդ թվում' աշխատանքային միգրանտների ընտանիքի անդամներ, հարազատներին այցելելու, բուժման, ուխտագնացության և այլ նպատակով) համար բժշկական զննությունը պարտադիր չէ:

Միգրացիոն ծառայությունը ներկայացրել է այն քայլերի հերթականությունը, որոնք պետք է կատարեն աշխատելու նպատակով Ռուսաստան մեկնած ՀՀ քաղաքացիները ՌԴ մուտք գործելու օրվանից 30 օրացույցային օրվա ընթացքում: