Հայկական կողմն է առաջարկել հանդիպել Վիեննայում. Չավուշօղլուն՝ բանագնացների հանդիպման մասին
ՄԻՋԱԶԳԱՅԻՆ
Հայաստանի և Թուրքիայի հատուկ բանագնացներ Ռուբեն Ռուբինյանի և Սերդար Քըլըչի երկրորդ հանդիպումը, որը կանցկացի փետրվարի 24-ին, տեղի կունենա Վիեննայում հայկական կողմի առաջարկով։ Այս մասին հայտարարել է Թուրքիայի ԱԳ նախարար Մևլյութ Չավուշօղլուն՝ նշելով, որ Երևանն Անկարային առաջարկել էր հանդիպել կամ Ավստրիայում կամ՝ Շվեյցարիայում։
«Նրանք առաջարկել են հանդիպել Ավստրիայում կամ Շվեյցարիայում։ 2009 թ․ Շվեյցարիայում արդեն հանդիպման անհաջող փորձ է եղել, դրա համար էլ որոշվեց հանդիպել Վիեննայում»,- հայտարարել է Չավուշօղլուն։
Նա նաև հիշեցրել է Անթալիայում դիվանագիտական ֆորումի հրավերի մասին.
«Ֆորումին հայկական կողմի մասնակցության հաստատումը դեռ չի ստացվել»,- ասել է Թուրքիայի ԱԳ նախարարը։
