Մոսկվա քաղաքի գլխավոր վարակաբան Սմետանինա. Օմիկրոնի առաջին նշանների դեպքում կօգնի հեղուկների առատ օգտագործումը
ՀԱՍԱՐԱԿՈՒԹՅՈՒՆ
tsargrad.tv-ն գրում է, որ Մոսկվայի Առողջապահության դեպարտամենտի գլխավոր վարակաբան Սվետլանա Սմետանինան ՏԱՍՍ լրատվական գործակալության հետ զրույցի ժամանակ պատմել է, թե ինչ միջոցներ պետք է ձեռնարկել կորոնավիրուսի դեպքում: Զրույցի ընթացքում նա նաև ասել է, թե ինչը կարող է օգնել բուժմանը կորոնավիրուսի Omicron շտամի առաջին նշանների դեպքում։ Սմետանինան նշել է, որ այդ շտամի ախտանիշները նման են սուր շնչառական վիրուսային վարակի (ՍՇՎ) ախտանիշներին: Մարդն ունենում է նաև գլխացավ և բարձր ջերմություն։ Այդ պատճառով ինֆեկցիոնիստը քաղաքացիներին խորհուրդ է տալիս հիվանդության առաջին նշանների ի հայտ գալու դեպքում օրական խմել առնվազն 2 լիտր հեղուկ։ Բացի այդ, բարձր ջերմաստիճանի դեպքում անհրաժեշտ է ջերմիջեցնող դեղամիջոցներ ընդունել։ Կոկորդի ցավի դեպքում Սմետանինան խորհուրդ է տվել ողողումներ անել դեղաբույսերի կամ քլորհիդինի լուծույթներով: Ի թիվս այլ բաների, մասնագետը պատմել է նաև, թե ինչպես կարելի է վերացնել քթի փակվածությունը: Դրա դեպքում, նրա կարծիքով, անհրաժեշտ է ողողումներ անել և օգտագործել անոթասեղմիչ կաթիլներ։
Նյութը հրապարակման պատրաստեց Կամո Խաչիկյանը
