Դանակահարություն Երևանում. ոստիկանություն
ՀԱՍԱՐԱԿՈՒԹՅՈՒՆ
Հունվարի 19-ին, ժամը 23.25-ին, հիվանդանոցից ոստիկանության Նոր Նորքի բաժնում հաղորդում էր ստացվել, որ շտապօգնության խումբը Ավանի Իսահակյան թաղամասի 4-րդ շենքից որովայնի կտրած-ծակած վերքով բուժօգնության է տեղափոխել 36-ամյա տղամարդու։
Ոստիկանության Ավանի բաժանմունքի քրեական հետախույզների ձեռնարկած օպերատիվ-հետախուզական միջոցառումների շնորհիվ պարզվել է, որ տղամարդուն ծանր մարմնական վնասվածքը պատճառել է 34-ամյա տղամարդը, որը ձեռնարկված միջոցառումների շնորհիվ հունվարի 20-ին հայտնաբերվել և բերման է ենթարկվել ոստիկանության Ավանի բաժանմունք։ Նա խոստովանական բացատրություն է տվել, որ վիճաբանության ժամանակ 36-ամյա տղամարդը դանակով մի քանի անգամ խփել է իր գլխին՝ պատճառելով մարմնական վնասվածք, ինչից հետո ինքը դանակահարել է նրան:
Նշանակվել է դատաբժշկական փորձաքննություն:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
