Ռեալ Մադրիդը՝ Իսպանիայի սուպերգավաթակիր

Սաուդյան Արաբիայում ավարտվեց Իսպանիայի սուպերգավաթի խաղարկությունը։

Եզրափակչում Մադրիդի «Ռեալը» 2-0 հաշվով հաղթեց Բիլբաոյի «Ատլետիկին»։ «Արքայական ակումբի» կազմում գոլերով աչքի ընկան Լուկա Մոդրիչը և Քարիմ Բենզեման։

87-րդ րոպեին «սերուցքայինների» կազմում կարմիր քարտ ստացավ և հեռացվեց բրազիլացի պաշտպան Էդեր Միլիտաոն։ 89-րդ րոպեին Ռաուլ Գարսիան կարող էր կրճատել հաշվի տարբերությունը, սակայն վրիպեց 11-մետրանոց հարվածից։