Ռոսպոտրեբնադզորը նշել է «omicron» շտամի հիմնական ախտանիշները

gazeta.ru-ն գրում է, որ Ռոսպոտրեբնադզորի Մոսկվայի Գ.Ն. Գաբրիչևսկու անվան համաճարակաբանության և մանրէաբանության գիտահետազոտական ​​ինստիտուտի կլինիկական աշխատանքների գծով փոխտնօրեն, բժշկական գիտությունների դոկտոր Տատյանա Ռուժենցովան թվարկել է օմիկրոն կորոնավիրուսային շտամով վարակման հիմնական նշանները։ Այդ մասին գրել է ՌԻԱ Նովոստին։

Նրա խոսքով, նոր շտամով հիվանդների մեծ մասն ունենում է թուլություն կամ հոգնածություն,  մինչև 38 ° C բարձր ջերմություն, գլխացավեր, ախորժակի կորուստ և հազ: Ռուժենցովան նշել է, որ այդ ախտանիշները կարող են ուղեկցվել թոքերի և այլ օրգանների ախտահարումներով, որոնք բնորոշ են կորոնավիրուսին։ Այս պահին հիվանդության մասին քիչ տվյալներ կան, սակայն շուտով լրացուցիչ տեղեկություններ կլինեն, հավելել է նա։

Ավելի վաղ Ռոսպոտրեբնադզորի Սպառողների իրավունքների պաշտպանության և մարդու բարեկեցության վերահսկման դաշնային ծառայության Եկատերինբուրգի «Վեկտոր» վիրուսային վարակների գիտահետազոտական ​​ինստիտուտի ղեկավար, կենսաբանական գիտությունների դոկտոր Ալեքսանդր Սեմենովը հայտնել էր, որ օմիկրոն շտամով հարուցված կորոնավիրուսային վարակի ախտանիշները շատ չեն տարբերվում մնացած շատմներից առաջացած վարակներից:

Կորոնավիրուսի շտամը, որը Առողջապահության համաշխարհային կազմակերպության (ԱՀԿ) կողմից անվանվել է օմիկրոն, հայտնաբերվել է այս տարվա նոյեմբերին հարավային Աֆրիկայում: Մասնագետների կարծիքով այն կարող է ավելի ախտածին լինել, քան կորոնավիրուսի այլ տարբերակները։ ԱՀԿ-ն ավելի ուշ հայտնել է օմիկրոնի համաշխարհային տարածման մեծ հավանականության մասին: