Ո՞ր մթերքներն են օգնում պահպանել տեսողությունը
ՀԱՍԱՐԱԿՈՒԹՅՈՒՆ
Վիտամին A-ով հարուստ մթերքները հատկապես օգտակար են տեսողության համար, կարծում է սննդաբան Աննա Պավլիչեւան։
Այս վիտամինը մասնակցում է տեսողական պիգմենտների սինթեզին։ Այն պարունակվում է այնպիսի մթերքներում, ինչպիսիք են տավարի լյարդը, հավի ձուն եւ կարմիր խավիարը: Սննդակարգում ավելորդ չեն լինի նաեւ վիտամին A-ի նախնու՝ բետակարոտինի աղբյուրները։ Այն հանդիպում է գազարի, դդումի, ծիրանի եւ պղպեղի մեջ։
Մասնագետի խոսքով՝ աչքի առողջության պահպանման համար կարեւոր են նաեւ այլ նյութեր, օրինակ՝ օմեգա-3 ճարպաթթուները, որոնց աղբյուրը յուղոտ ձուկն ու ծովամթերքներն են։
Տեսողության համար հսկայական նշանակություն ունեն հակաօքսիդանտները եւ բիոֆլավոնոիդները (վիտամին C, վիտամին E, լյուտեին, աստաքսանտին): Դրանք առավել շատ պարունակվում են վառ գույնի բանջարեղենի, մրգերի եւ հատկապես հատապտուղների մեջ, ձմռանը կարելի է անցնել սառեցված հատապտուղների, դրանք պահպանում են բոլոր առավելությունները։ Վիտամին E-ն շատ է ընկուզեղենի, արեւածաղկի սերմերի, կարագի մեջ։ Լյուտեին պարունակում են սպանախը, մաղադանոսը եւ ձուն: Սպանախն, ի դեպ, բացի լյուտեինից, պարունակում է նաեւ զեաքսանտին, որը նվազեցնում է տարիքային մակուլյար դեգեներացիայի առաջացման վտանգը»,- ասել է սննդաբանը։
