Թուրքիան աջակցում է «վեցնյակի հարթակը» Կովկասում, որպեսի լինի իրադարձությունների կենտրոնո՞ւմ
ՀԱՍԱՐԱԿՈՒԹՅՈՒՆ
rossaprimavera.ru-ն գրում է, որ Անկարան ցանկանում է իրեն դրսևորել որպես հարևան երկրներում հակամարտությունների կարգավորման առանցքային դերակատար: Այդ մասին ասել է ՄԳԻՄՕ-ի ավագ հետազոտողը Վլադիմիր Ավատկովը:
«Տարածաշրջանում առաջատար դեր խաղալու համար է, որ Թուրքիան փորձում է ձևավորել նոր ձևաչափեր, որոնք հաշվի կառնեն ուժերի հարաբերակցության փոփոխությունները և իր դերի բարձրացումը ինչպես միջազգային հարաբերությունների համակարգում, այնպես էլ տարածաշրջանային անվտանգության համակարգերում»,- նշել է փորձագետը։ Թուրքագետը նաև բացատրել է, որ Անկարան ցանկանում է, բայց չի կարող խաղաղարարի դեր խաղալ Հարավային Կովկասում. «Նա չի կարող միջնորդ լինել, քանի որ հստակ ասում է, որ ինքը մեկ կոնկրետ երկրի կողմն է, ի տարբերություն Ռուսաստանի, որը միշտ վեր է եղել հակամարտություններից և կարող է օգտակար լինել տարբեր տարածաշրջանային հակամարտություններում, այդ թվում՝ Հարավային Կովկասում»,- ընդգծում է Վլադիմիր Ավատկովը։
Հիշեցնենք, որ նոյեմբերի 1-ին Թուրքիայի նախագահ Ռեջեփ Թայիփ Էրդողանը Ֆրանսիայի նախագահ Էմանուել Մակրոնի հետ քննարկել է Հարավային Կովկասում իրավիճակի կարգավորման «Վեցյակի հարթակ» նախագիծը։ «Ռուսաստանը, Ադրբեջանը, Թուրքիան, Իրանը, Վրաստանը և Հայաստանը, եթե նրանք բոլորը համաձայնվեն, մենք այստեղ խաղաղության հարթակ կստեղծենք»,- ասել է Թուրքիայի նախագահը։
«3 + 3» ձեւաչափին կողմ է նաեւ ՌԴ ԱԳՆ-ն: «Բազմակողմ տարածաշրջանային համագործակցության զարգացումը համապատասխանում է այս ձևաչափի բոլոր ապագա մասնակիցների շահերին: Մեր կարծիքով, դրա գործարկումը կօգնի բարձրացնել վստահությունը միջպետական հարաբերությունների նկատմամբ, լուծել առկա հակասությունները, բացահայտել տարածաշրջանի տնտեսական և տրանսպորտային ներուժը»,- ասել է ԱԳՆ ներկայացուցիչ Մարիա Զախարովան։
Ռուսաստանի արտաքին գործերի նախարար Սերգեյ Լավրովն արդեն քննարկել է այս ձևաչափը թուրք և իրանցի գործընկերներ Մևլութ Չավուշօղլուի և Հոսեյն Ամիր Աբդոլլահյանի հետ։ Երկու նախարարներն էլ դրական են վերաբերվել նախաձեռնությանը։
Նյութը հրապարակման պատրաստեց Կամո Խաչիկյանը
