Հաղթիր թշնամուդ առանց կռվի. Դավիթ Աթանեսյան

Դեկտեմբերի 24 ին տեղի ունեցավ ՀՀ այկիկենդո ֆուլլ կոնտակտ կարատեի տարեվերջյան հաշվետու միջոցառումը:

Տեղի ունեցավ  10 լավագույն մարզիկների պարգևատրման արարողություն , ինչպես նաև տարվա լավագույն ակումբ , տարվա լավագույն մարզիչ կոչումների պարգևատրում: Տեղի ունեցավ  նաև կատայի Հայաստանի առաջնությունը, որի արդյունքում mr Aykikendo-ն բացարձակ հաղթող ճանաչվեց:

Տարվա   մրցաշարերին հաղթանակեր տոնած  տարվա  10 լավագույն մարզիկները Հայաստանի դրոշը միջազգային ասպարեզներում բարձրացրած մարզիկներն էին: Տարվա լավագույն ակումբ ճանաչվեց Գավառի մասնաճյուղը (մարզիչ Սերյոժա Ղարիբյան և Արաքս Մարգարյան ), միստր Այկիկենդո ճանաչվեց Արտակ Բալայանը , Լավագույն մարզիչ Էմիլ Էքոյանը:

Lավագույն մարզիկներն արժանացան ֆեդերացիայի նախագահի կողմից սահմանված թանկարժեք նվերների և պատվոգրերի:

Միջոցառմանը մասնակցում էին հանրապետության գրեթե բոլոր մարզերում գործող ակումբները , Հրազդանի , Սևանի, Գավառի , Մարտունու , Վարդենիսի , Նոր Հաճնի , Աբովյանի , Իջևանի , Գյումրու , Էջմիածնի , և Երևանի տարբեր համայքների ակումբները:

Միջոցառման վերջում ֆեդերացիայի նախագահ Դավիթ Աթանեսյանը  մեծ դեր և նշանակություն տալով սպորտի կարևորությանը նոր սերնդի բարոյահոգեբանական դաստիարակության հարցում,իր խոսքում նշեց, որ Այկիկենդո-ն հոգու և մարմնի ներդաշնակություն ստեղծող մարզաձև է, որը կոփում է ինչպես մարմինը, այնպես  էլ  հոգին՝ տալով իմաստություն:

Այն հարցին, թե որն է ձեր կյանքի կարգախոսը, որով առաջնորդվում եք՝ պատասխանեց,

-Հաղթիր թշնամուդ առանց կռվի:

Դավիթ Աթանեսյանը շնորհավորեց նաև  բոլոր մարզիկների և մարզիչների ամանորն ու սուրբ ծնունդը և քաջալերեց որպեսզի 2017 թվականին ավելի լավ ավելի լավ արդյունքներ ցուցաբերեն:

Ստորև ներկայացնում ենք տեսանյութ, որտեղ ցուցադրվում է շիվարի հնարքը:

Նյութը պատրաստեց 1or.am-ը