Պատմության այս օրը (հոկտեմբերի 28)
ՊԱՏՄՈՒԹՅԱՆ ԱՅՍ ՕՐԸ
ՈՐՈՇ ՏՈՆԵՐ - Ուսանողների միջազգային օր, Անիմացիայի միջազգային օր, Չեխիա և Սլովակիա՝ Չեխոսլովակիայի հիմնադրման օր, Հունաստան՝ Օխի օր, Կիպրոս՝ Հունական սփյուռքի օր, Ուկրաինա՝ Ֆաշիստական օկուպացիայից ազատագրման օր՝
ՀԱՅԱՍՏԱՆՈՒՄ
1270 - վախճանվել է Հայոց Կիլիկիայի թագավոր Հեթում Ա-ն։
1817 – ծնվել է բանասեր և լեզվաբան Ղևոնդ Հովնանյանը։
1857 – ծնվել է նկարիչ, գրող և հասարակական գործիչ Գևորգ Բաշինջաղյանը։
1887 – ծնվել է դաշնակահարուհի Թագուհի Շահնազարյանը։
1908 - լույս է տեսել Ստամբուլի «Ժամանակ» օրաթերթի առաջին համարը 15 հազար տպաքանակով, այն չի ունեցել կուսակցական ուղղվածություն և իր շուրջն է հավաքել ժամանակի ամենահեղինակավոր հայ մտավորականներին:
1920 - հայ-թուրքական պատերազմի ժամանակ թուրքական բանակը վերսկսել է ընդհանուր հարձակումը և իր վերահսողության տակ է վերցրել Արդահան նահանգի հարավային հատվածը։
1938 – ծնվել է խորհրդահայ երգչուհի Կարինե Լիսիցյանը։
1950 – ծնվել է բժիշկ, մոլեկուլային կենսաբան Վեհարի Սաքանյանը։
1959 – ծնվել է նկարչուհի Նունե Աղբալյանը։
1963 - վախճանվել է բանասեր և պատմաբան Ներսես Ակինյանը։
1967 - Երևանում տեղի է ունեցել Ծիծեռնակաբերդի բարձունքի վրա կառուցված 1915 թվականի Մեծ եղեռնի զոհերի հիշատակին նվիրված հուշարձան-կոթողի բացումը:
1974 - շահագործման է հանձնվել Երևանի «Ռոսիա» կինոթատրոնը:
1975 - Լիբանանի մայրաքաղաք Բեյրությում տեղի է ունեցել թուրքական դեսպանատան ռմբահարումը հայ ահաբեկիչների կողմից, որը առաջացրել է զգալի ավերածություններ։
1989 - Խորհրդային Միության Գերագույն խորհուրդը լուծարել է Արցախում իր իսկ ստեղծած «Վոլսկու կոմիտեն»:
1993 - ղարաբաղյան հակամարտության ժամանակ հայկական ստորաբաժանումները տանկային գումարտակի օժանդակությամբ գրոհել և գրավել են Մինջևան երկաթուղային կայարանը։
1999 - Հայաստանի Ազգային ժողովում իրականացված հոկտեմբերի 27-ի ահաբեկչական գործողությունը ավարտվել է, լուսադեմին ահաբեկիչների կողմից զենքերը վայր դնելուց ու հանձնվելուց հետո գերեվարվածները ազատ են արձակվել։
2004 - «Կարեն Դեմիրճյան» մարզահամերգային համալիրում մեկնարկել է «Հայագրոֆորում» առաջին միջազգային համաժողովը, որին մասնակցել են ինչպես կառավարության և Ազգային ժողովի անդամներ, այնպես էլ միջազգային դոնոր կազմակերպությունների ներկայացուցիչներ, Հայաստանում հավատարմագրված դիվանագիտական ծառայությունների ղեկավարներ, աշխարհի 27 երկրների մասնագետներ ու ագրարային բիզնեսով զբաղված գործարարներ և հարյուրավոր ֆերմերներ Հայաստանի տարբեր մարզերից:
2011 - Երևանի քաղաքապետ Կարեն Կարապետյանը հրաժարականի դիմում է ներկայացրել՝ այդ մասին հայտարարելով «Ֆեյսբուք»-ի իր էջում:
2014 - Հադրութը (Արցախ) և Բըրբանքը (ԱՄՆ) դարձել են բարեկամ քաղաքներ։
2019 - Խորհրդարանի նախկին նախագահ Արա Բաբլոյանին մեղադրանք է առաջադրվել, խափանման միջոց է ընտրվել ստորագրությունը չհեռանալու մասին, նույն գործով մեղադրանք է առաջադրվել նաև Ազգային ժողովի աշխատակազմի նախկին ղեկավար Արսեն Բաբայանին, որը կալանավորվել է։
2020 - Երկրորդ ղարաբաղյան պատերազմի ժամանակ Բերձորի ուղղությամբ շարունակվել են ադրբեջանական ուժերի գործողությունները, սակայն անհաջող, հայկական ուժերին անգամ հաջողվել է որոշակի դիրքային բարելավումներ իրականացնել։
ԱՇԽԱՐՀՈՒՄ
312 - տեղի է ունեցել Մուլվինյան կամրջի ճակատամարտը Մակսեցիայի և Կոնստանտինի բանակների միջև, որի արդյունքում հաղթանակ տոնած Կոնստանտինը դարձել է Հռոմի կայսր, իսկ վիրավորված Մակսեցիան վախճանվել է հաջորդ օրը։
1237 - եղել է առաջին հիշատակությունը Բեռլինի մասին, և այդ օրը համարվում է Բեռլինի ծծնդյան օրը։
1420 – Չինաստանում Մին դինաստիան Արգելված քաղաքի շինարարության ավարտից հետո Պեկինը հայտարարել է իր մայրաքաղաքը:
1469 - ծնվել է հոլանդացի փիլիսոփա, մարդասեր, Վերածննդի դարաշրջանի խոշորագույն գիտնական էրազմ Ռոտերդամցին։
1492 - Քրիստափոր Կոլումբոսը հայտնաբերել է Կուբան։
1707 - Ճապոնիայում տեղի ունեցած հզոր երկրաշարժի զոհ է դարձել 5 հազար մարդ։
1860 - ծնվել է մարտարվեստի ճապոնացի վարպետ, Դձյուդոյի ստեղծող Դզիգորո Կանոն։
1885 – ծնվել է ռուս բանաստեղծ և թատերագիր Վելիմիր Խլեբնիկովը։
1886 – Նյու Յորքում տեղի է ունեցել Ազատության արձանի հանդիսավոր բացումը:
1892 - կայացել է շարժանկարի առաջին հանրային ցուցադրությունը։
1900 - Ֆրանսիայի մայրաքաղաքում փակվել են Երկրորդ Օլիմպիական խաղերը։
1903 – ծնվել է անգլիացի գրող, գրաքննադատ և լրագրող Իվլին Վոնը։
1914 – ծնվել է անգլիացի կենսաքիմիկոս Ռիչարդ Լորենս Միլինգթոնը։
1914 - ծնվել է ամերիկացի վիրուսոլոգ, պոլիոմիելիտի վակցինայի ստեղծող Ջոնաս Սոլկը։
1914 - «Կոդակ» ընկերությունը հայտարարել է, որ սկսել է աշխատել գունավոր լուսանկարչության տեխնոլոգիայի ստեղծման ուղղությամբ։
1918 – Առաջին համաշխարհային պատերազմի մժամանակ Չեխոսլովակիան հայտարարել է Ավստրա-Հունգարիայից անկախանալու մասին, որով իսկ փլուզվել է Ավստրո-Հունգարական կայսրությունը։
1933 – ծնվել բրազիլացի նշանավոր ֆուտբոլիստ Գարինչան:
1940 - Հունաստանը պաշտոնապես մտել է Երկրորդ համաշխարհային պատերազմի մեջ, այդ օրը նշվում է Հունաստանում որպես Օխիի օր։
1955 – ծնվել է ամերիկացի գործարար Բիլ Գեյթսը։
1956 – ծնվել է Իրանի նախկին նախագահ Մահմուդ Ահմադինեժադը:
1962 - Կարիբյան ճգնաժամի ժամանակ ԽՍՀՄ ղեկավար Նիկիտա Խրուշչովը հայտարարել է Կուբայից խորհրդային հրթիռների դուրս բերման մասին։
1967 – ծնվել է ամերիկացի դերասանուհի Ջուլիա Ռոբերտսը։
1969 - վախճանվել է ռուս սովետական բանաստեղծ Կորնեյ Չուկովսկին։
1995 – Բաքվի մետրոպոլիտենում տեղի է ունեցել մեծ հրդեհ, որի հետևանքով զոհվել է 289 և վիրավորվել է մոտ 300 մարդ։
2011 - Մոսկվայում 6 տարյա վերակառուցումից և հիմնանորոգումից հետո վերաբացվել է Մեծ Թատրոնը։
Նյութը հրապարակման պատրաստեց Կամո Խաչիկյանը
