Moderna պատվաստանյութի երկրորդ չափաբաժնի դեֆիցիտ կարող է լինել
ՀԱՍԱՐԱԿՈՒԹՅՈՒՆ
Առողջապահության նախարարությունը շարունակում է մարդկանց տարբեր միջոցներով ստիպել պատվաստվել: Սակայն, կարծես թե, նրանք տարրական հաշվարկ կատարել չեն կարողանում: 1or.am կայքի տվյալներով՝ նրանք, ովքեր այսօր ցանկանում են պատվաստվել Moderna պատվաստանյութով, նրանց համար այսօր արդեն չկա այդ պատվաստանյութը անգամ նրանց համար, ովքեր երկրորդ անգամ պետք է պատվաստում ստանան: Առհասարակ հայտնի չէ, թե նախարարությունը որտեղից և ինչ միջոցներով պետք է բերի պատվաստանյութը, քանի որ անցած անգամ հույսը դրել էին բարեգործության վրա և Հայաստանին որոշ խմբաքանակ նվիրել էին:
Այդ խմբաքանակի մի մասն էլ նախարարության անդամները կիսել են իրար հետ, քանի որ Moderna-ն համարվում է լավագույն պատվաստանյութերից մեկը և իշխանության անդամների միջև Moderna-ի պայքար է ընթանում: Ամենակարևորն այն է, որ կարող է առաջանալ երկրորդ պատվաստանյութի պակաս, որովհետև որևէ պատկերացում չունեն, թե ինչպես կարող են ձեռք բերել հաջորդ խմբաքանակը: Նույն իրավիճակում էր հայտնվել նաև Սինոֆարմը, որի խմբաքանակը երեկ վերջապես ներկրվեց Հայաստան: Ներկրվել է 200 հազար խմբաքանակ, բայց իրական ժամկետներից բավականին ուշ են այն կարողացել ձեռք բերել:
Սոնա Գիշյան
