Կուբանյան ընկերությունը Հայաստան 2 մլն դոլարի հնդկացորեն արտահանելու պայմանագիր է կնքել
ՀԱՍԱՐԱԿՈՒԹՅՈՒՆ
kuban24.tv-ն գրում է, որ Կրասնոդարի երկրամասի բիզնեսը «Արմենիա Էքսպո 2021» ցուցահանդեսին ներկայացրել է իր արտադրանքը հավաքական տաղավարի ձևաչափով: Այս մասին հայտարարել է երկրամասի փոխնահանգապետ Ալեքսանդր Ռուպելը: Արդյունքում «Ապոստոլյե» գյուղատնտեսական ընկերությունը գրեթե 10 անգամ ավելի գործարք է կնքել, քան 2020 թվականին Կուբանից Հայաստան հնդկացորենի արտահանման գործում:
««Ապոստոլյե» ընկերության համար «Արմենիա Էքսպո 2021» ցուցահանդեսին մասնակցության արդյունքը հացահատիկի մատակարարման պայմանագիրն է ավելի քան 2 միլիոն ԱՄՆ դոլարի չափով, որը գերազանցում է հնդկացորենի արտահանման ամբողջ արժեքը Կրասնոդարի երկրամասից Հայաստան 2020 թվականին», - ասել է Ալեքսանդր Ռուպելը ...
Երկրամասի ղեկավարի տեղակալը նաև հայտնել է, որ միջազգային համագործակցության և արտահանման ազգային ծրագրի շրջանակներում Կրասնոդարի երկրամասից յոթ ընկերություններ են մասնակցել ցուցահանդեսին շնորհիվ Կրասնոդարի երկրամասի Արտահանման աջակցության կենտրոնի:
«Ռուսական արտահանման կենտրոն» ԲԲԸ-ի վերլուծական պորտալի տվյալներով՝ Կրասնոդարի երկրամասը դեպի Հայաստան արտահանման ցուցանիշով զբաղեցնում է 8-րդ տեղը Ռուսաստանի մարզերի վարկանիշում», - Ռապպելի խոսքերն է մեջբերել ՏԱՍՍ-ը:
Երկրամասի գյուղատնտեսության նախարարությունը նպատակային աշխատանք է տանում Կուբանի ձեռնարկությունների և արտաքին շուկա դուրս գալ ցանկացող պոտենցիալ օտարերկրյա ներկրողների հետ:
Նյութը հրապարակման պատրաստեց Կամո Խաչիկյանը
