Պատմության այս օրը (սեպտեմբերի 25)
ՊԱՏՄՈՒԹՅԱՆ ԱՅՍ ՕՐԸ
ՈՐՈՇ ՏՈՆԵՐ - Մոզամբիկ՝ Հեղափոխության օր, Ֆրանսիա՝ Խարկիների հարգանքի ազգային օր (խարկիները ալժիրցի մուսուլման զինծառայողներ են):
ՀԱՅԱՍՏԱՆՈՒՄ
1796 – ծնվել է բանաստեղծ, մանկավարժ, հասարակական-քաղաքական և եկեղեցական գործիչ, Հայ
առաքելական եկեղեցու Վիրահայոց թեմի առաջնորդ Հարություն Ալամդարյանը:
1908 – ծնվել է հայազգի խորհրդային անասնաբույծ-սելեկցիոներ Ալեքսանդր Մանուչարյանը։
1939 – ծնվել է հայազգի մեծանուն բևեռախույզ, գիտնական, հասարակական-քաղաքական գործիչ Արթուր
Չիլինգարովը:
1944 – վախճանվել է բանասեր, գրականագետ, բառարանագիր Մանուկ Աբեղյանը:
1944 - ծնվել է քաղաքական, պետական գործիչ Բաբկեն Արարքցյանը:
1990 - ղարաբաղյան պատերազմի ընթացքում երկու ադրբեջանական ուղղաթիռներ սկսել են ռմբակոծել
Ստեփանակերտը:
1991- ղարաբաղյան պատերազմի ընթացքում սկսվել է Ստեփանակերտի ռմբակոծությունը «Ալազան»
հակակարկտային կայանքներով, որը շարունակվել է 120 օր:
1992 - ղարաբաղյան պատերազմի ընթացքում Ադրբեջանի և Հայաստանի միջև կնքվել է կրակի
դադարեցման համաձայնագիր, սակայն մինչև սեպտեմբեր կողմերը շարունակել են մեղադրել միմյանց
համաձայնագիրը խախտելու հարցում:
2001 - Երևանյան «Առագաստ» ջազ-սրճարանում հայտնաբերվել է 43-ամյա Պ. Պողոսյանի դիակը: Ըստ
վարկածի՝ նրան սպանել են նախագահի թիկնապահները:
2005 - ամերիկյան«Ֆորբս» հանդեսը գրել է, որ ամերիկահայ մեծահարուստ Քըրք Քըրքորյանը իր
կարողությունը հասցրել է 10 միլիարդ դոլարի և ներկայումս թիվ 19-րդ հարուստ մարդն է աշխարհում:
2007 - Հայաստանի նախագահ Ռոբերտ Քոչարյանը հայտարարել է, որ եթե Տեր-Պետրոսյանը մասնակցի
առաջիկա նախագահական ընտրություններին, ապա կդառնա «շարքային ընդդիմադիր գործիչ»:
2013 - ղարաբաղցի «Տատիկն ու պապիկը» «երիտասարդացել են»: Լեռնային Ղարաբաղի ամենահայտնի
տեսարժան վայրը վերանորոգվել և բարեկարգվել է։
2014 - Սյունիքի մարզպետի պաշտոնը կրկին վստահվել է Սուրիկ Խաչատրյանին:
2017 - Աբովյան քաղաքում գործող «Սիփան» պահածոների և ոչ-ոգելից ըմպելիքների գործարանում տեղի
է ունեցել պայթյուն, որի հետևանքով երկու քաղաքացի տեղափոխվել են հիվանդանոց:
2020 - կալանավորվել է ԲՀԿ առաջնորդ Գագիկ Ծառուկյանը:
ԱՇԽԱՐՀՈՒՄ
275 – վախճանվել է Հռոմի կայսր Ավրելիանոսը, և Հռոմի Սենատը կայսր է հռչակել Տակիտոսին:
1066 - կայացել է Ստամֆորդ-Բրիդժի ճակատամարտը, որը 200 տարի տևած վիկինգների անգլիական
արշավանքների վերջին ճակատամարտն է, որտեղ նարվեգական թագավոր Հարալդի բանակը գլխովին
ջախջախվել է Գոդվինսոնի ղեկավարած անգլոսաքասական բանակի կողմից:
1396 – Նիկոպոլիսի ճակատամարտում թուրքերի կողմից կրած ջախջախիչ պարտությամբ ավարտվել է
խաչակրաց վերջին լայնածավալ արշավանքներից մեկը:
1493 – Քրիստափոր Կոլումբոսը սկսել է իր երկրորդ ճանապարհորդությունը դեպի Ամերիկա:
1513 - իսպանացի կոնկիսկադոր Վասկո դը Բիլբաոն իր ջոկատով հատել է Պանամայի պարանոցը և
դարձել Խաղաղ օվկիանոս հասած առաջին եվրոպացին: 1555– ստորագրվել է Աուգսբուրգի հաշտությունը,
կամ Աուգսբուգի համաձայնագիրը կնքված Աուգսբուրգ քաղաքում Սրբազան Հռոմեական կայսրության
կայսր Կառլոս 5-րդի և Շմալկալդինյան դաշինքի միջև։
1644 – ծնվել է դանիացի աստղագետ Օլե Ռյոմերը:
1683 – ծնվել է ֆրանսիացի նշանավոր երգահան Ժան Ֆիլիպ Ռամոնը:
1789 - ռուսական բանակի գեներալ-մայոր Դոն Խոսե դը Ռիբասը գրավել է թուրքական Հաջի-Բեյ ամրոցը
(ներկայիս Օդեսա քաղաքը):
1818 - անգլիացի բժիշկ Ջեյմս Բլանդելը աշխարհում առաջին անգամ իրականացրել է արյան
փոխներարկում մարդուց մարդուն:
1845 – ծնվել է անգլիացի արևելագետ, խեթագիտության հիմնադիրներից մեկը հանդիսացող Արչիբալդ
Հենրի Սեյսը:
1897– ծնվել է ամերիկացի գրող, Նոբելյան մրցանակի դափնեկիր Ուիլյամ Ֆոլքները: 1906 –ծնվել է
ռուս կոմպոզիտոր Դմիտրի Շոստակովիչը:
1926 - Հենրի Ֆորդը իր աշխատողների համար սահմանել է 5-օրյա աշխատանքային շաբաթ և 8-ժամյա
աշխատանքային օր:
1932– ծնվել է կանադացի դաշնակահար, կոմպոզիտոր Գլեն Գուլդը:
1935 - ԽՍՀՄ-ում իջեցվել է մսի գինը, և հանվել են տալոնները մսի, ձկան և շաքարի համար:
1943 - Երկրորդ համաշխարհային պատերազմի ժամանակ խորհրդային բանակը ազատագրել է Սմոլենսկը:
1949 – ծնվել է իսպանացի ռեժիսոր, մեր օրերի նշանավոր կինոգործիչներից մեկը հանդիսացող Պեդրո
Ալմոդովարը:
1956 – շահագործման է հանձնվել տրանսատլանտյան հեռախոսային հաղորդալարը:
1968- ծնվել է ամերիկացի դերասանուհի, երգչուհի Քեթրին Զետա-Ջոնսը:
1970 – վախճանվել է գերմանացի հանրահայտ գրող, 20-րդ դարի ամենաընթերցվող գրողներից մեկը
հանդիսացող Էրիխ Մարիա Ռեմարկը:
1972 - Նորվեգիայում անցկացված հանրաքվեում ընտրողները մերժել են Նորվեգիայի Եվրամիությանն
անդամակցությունը:
1974 - «Սայենս» ամսագրում առաջին անգամ բերվել են տվյալներ առ այն, որ աէրոզոլները քայքայում
են Երկրի օզոնային շերտը:
2002 - Ռուսաստանի Իրկուտսկի մարզի Մամսկո-Չույսկի շրջանի Մամա և Վիտիմս ավանների շրջանում
նշանակալի լուսային և ձայնային էֆեկտներով ընկել է Վիտիմյան բոլիդը:
Նյութը հրապարակման պատրաստեց Կամո Խաչիկյանը
