Վլադիմիր Պուտինը ստեղծել է նոր ռազմական դաշինք ի պատասխան ՆԱՏՕ-ի ուժեղացման
ՀԱՍԱՐԱԿՈՒԹՅՈՒՆ
rznonline.ru-ն գրում է, որ Ռուսաստանի նախագահ Վլադիմիր Պուտինը նոր կոալիցիա է ստեղծել Ռուսաստանի շուրջ, որը մի տեսակ հակակշիռ կդառնա Հյուսիսատլանտյան դաշինքին: Այդ մասին հայտարարել է քաղաքագետ Սերգեյ Օզնոբիշչովը: Նա բացատրել է, որ այս տարի այլ պետությունների բանակների ստորաբաժանումներ են մասնակցել «Արևմուտք -2021» զորավարժություններին, որոնք Մոսկվան ավանդաբար անց է կացնում Մինսկի հետ միասին: Դրանք են Ղազախստանը, Հայաստանը, Մոնղոլիան, Ղրղզստանը և Հնդկաստանը: Այդ երկրների զորքերը, ռուս և բելառուս զինվորական անձնակազմի հետ միասին պոտենցիալ թշնամու հարձակումները հետ մղելու վարժանքներ են իրականացրել:
Ըստ փորձագետի Ռուսաստանը ոչ մի ռազմական դաշինքի անդամ չէ: Այնուամենայնիվ, նա իր մոտակա բոլոր հարևաններին է ներգրավել վարժանքներին արագ միավորվելու ունակությունն ու ագրեսիայի ցանկացած փորձին հակահարված հասցնելու կարողությունը ՆԱՏՕ -ին ցույց տալու համար:
Վերլուծաբանը նշել է, որ Ռուսաստանը ամրապնդում է կապերը ոչ արևմտյան պետությունների հետ բացառապես ՆԱՏՕ-ի ամրապնդման փորձերին ի պատասխան: Ավելին, խոսքը ոչ միայն Ուկրաինայի, այլ նաև այլ երկրների ՝ Ռումինիայի, Լեհաստանի, Սլովակիայի, Բուլղարիայի, Հունգարիայի գործողությունների մասին է, որոնք մտադիր են փոխակերպել իրենց բանակները և զինված ուժերը ինտեգրել Հյուսիսատլանտյան դաշինքի հավաքական անվտանգության համակարգին:
Նյութը հրապարակման պատրաստեց Կամո Խաչիկյանը
