Ադրբեջանական մեկ Су-25 գրոհային ինքնաթիռը 58 նպատակակետ է ոչնչացրել Ղարաբաղում
ՔԱՂԱՔԱԿԱՆՈՒԹՅՈՒՆ
voennoedelo.com-ը գրում է, որ ռուսական մի շարք տեղեկատվական հրապարակումների լրագրողներ իրենց ընթերցողներին հայտնում են, որ TurAz Şahini-2021 («Բազե ԹուրԱզ-2021») Ադրբեջանա-թուրքական համատեղ զորավարժությունների ժամանակ Ադրբեջանի ռազմաօդային ուժերի ինքնաթիռները ունեն մեծ թվով նշաններով ֆյուզելաժներ, որոնք մատնանշում են ոչնչացված թիրախների թիվը:
Մասնավորապես, Ադրբեջանի ռազմաօդային ուժերի Су-25 գրոհային ինքնաթիռներից մեկի վրա լրագրողները հաշվել են 58 «աստղ», որից կարելի է ենթադրել, որ Լեռնային Ղարաբաղում զինված հակամարտության ընթացքում այդ ինքնաթիռի անձնակազմին հաջողվել է խոցել նման քանակի հակառակորդի թիրախներ հակամարտության 44 օրվա ընթացքում: Ավելին, ենթադրվում է, որ հենց այս Су-25-ն է մասնակցել Արցախի և Հայաստանի ուժերի դիրքերի վրա հարձակումներին:
Մեկ այլ ինքնաթիռի վրա, որը նույնպես մասնակցում էր TurAz Şahini-2021 զորավարժությանը լրագորղները հաշվել են ընդամենը 38 «աստղ», ինչը ցույց է տալիս, որ այդ ինքնաթիռը «ավելի քիչ է աչքի ընկել» Լեռնային Ղարաբաղում զինված հակամարտության ժամանակ, հավանաբար այն պատճառով, որ ադրբեջանական բանակը հաճախ չի օգտագործել մարտական ինքնաթիռներ՝ փորձելով անօդաչու թռչող սարքերով հարվածներ հասցնել հակառակորդի դիրքերին:
Նյութը հրապարակման պատրաստեց Կամո Խաչիկյանը
