Հայտնի է՝ ով է գլխավորելու Աֆղանստանի նոր կառավարությունը. Reuters
ՄԻՋԱԶԳԱՅԻՆ
«Թալիբան» ծայրահեղական շարժման քաղաքական թևի առաջնորդ մուլլա Աբդուլ Ղանի Բարադարը կգլխավորի Աֆղանստանի նոր կառավարությունը: Այս մասին հայտնում է Reuters գործակալությունը՝ հղում անելով իր աղբյուրին:
Աղբյուրի տվյալներով՝ նոր կառավարության կազմում կընդգրկվեն նաև մուլլա Յակուբը (թալիբների առաջին առաջնորդ, մուլլա Օմարի որդին) և Դոհայում ծայրահեղականների ներկայացուցիչ Շեր Մոհամմադ Աբբասը Ստանեքզայը:
Երկու օր առաջ TOLOnews հեռուստաալիքը, վկայակոչելով, իր աղբյուրներին, տեղեկացրել էր, որ կառավարությունը կգլխավորի «Թալիբանի» առաջնորդ մուլլա Հիբաթուլլահ Ախունդզադան:
Հիշեցնենք, որ թալիբներն իրենց առաջխաղացումն ակտիվացրել էին ամերիկյան զորքերի՝ Աֆղանստանից դուրսբերմանը զուգահեռ: Վերջիններս օգոստոսի 15-ին մտել էին մայրաքաղաք Քաբուլ, որից հետո երկրի նախագահ Աշրաֆ Ղանին հեռացել էր երկրից: Թալիբները հայտարարել էին, որ երկրի կառավարման համար 12 անձից բաղկացած խորհուդր են կազմելու:
