Արդյո՞ք ճիշտ է, որ Pfizer պատվաստանյութով պատվաստվելուց հետո կանանց մոտ սկսում են աճել կրծքերը
ՀԱՍԱՐԱԿՈՒԹՅՈՒՆ
Aif.ru-ն գրում է, որ Նորվեգիայում քննարկվում է Pfizer պատվաստանյութի օգտագործման անսովոր կողմնակի ազդեցությունը. պատվաստումից հետո որոշ կանանց մոտ սկսել են մեծացնել կրծքերը:
Այդ մասին սոցիալական ցանցերում բողոքում են հանրապետության տասնյակ կանայք: «Ինձ արդեն մեկ չափսով մեծ կրծկալ է պետք», - գրել է Էմման Օսլոյից:
Նորվեգացի բժիշկ Հենրիխ Բեքմանը ենթադրել է, որ դա ամենայն հավանականությամբ պայմանավորված է ավշային հանգույցների ընդլայնմամբ. այդպես է մարմինը արձագանքում դեղամիջոցի ընդունմանը: Նորվեգիայի դեղերի գործակալության խոսնակ Ստեյնար Մադսենն էլ ասել է, որ ինքը լսել է ամերիկացի կանանց մոտ նման կողմնակի ազդեցության մասին: Պատվաստված կանանց 10% -ի մոտ, դեղամիջոցի առաջին չափաբաժնից հետո, ավշային հանգույցներն ավելացել են, ինչի պատճառով լինում է այնպիսի զգացողություն, որ կրծքերը մեծացել են: Բայց մի քանի օր անց ամեն ինչ ինքնին անցնում է:
Pfizer- ի նորվեգական գրասենյակը նշել է, որ իրենք նման կողմնակի էֆեկտի մասին չեն լսել, բայց և չեն բացառում, որ դա կարող է լինել: Իսկ բժիշկ ուռուցքաբան-մամոլոգ Ալեքսանդր Բրատիկը այդ ամենի հնարավորությունը կապել է ավելի շուտ հորմոնալ ֆոնի փոփոխության հետ, որը ոչ մի կապ չունի պատվաստումների կամ մարմնի քաշի ավելացման հետ: Նրա կարծիքով, բոլոր պատվաստանյութերը գործում են բացառապես իմունային համակարգի վրա և չեն կարող ազդել ավշային համակարգի վրա:
Նյութը հրապարակման պատրաստեց Կամո Խաչիկյանը
