Կոլերով․ Ռուսաստանը կարող է դուրս բերել իր ռազմաբազան Հայաստանից Փաշինյանի պատճառով
ՎԵՐԼՈՒԾՈՒԹՅՈՒՆՆԵՐ
realtribune.ru-ն գրում է, որ Հայաստանից ռուսական ռազմաբազայի դուրս բերումը կարող է տեղի ունենալ տեսանելի ապագայում: Այդ մասին Turan- ին տված հարցազրույցում ասել է «Ռեգնում» գործակալության գլխավոր խմբագիր Մոդեստ Կոլերովը:
«Ոչ մի երաշխիք չկա, որ այդ ռուսական ռազմաբազաները կմնան Հայաստանում, քանի որ Հայաստանում Փաշինյանն է իշխանության գլխին, իսկ նրա հիմնական ներքին մղումը հակառուսականն է: Դա կապված է այն հույսի հետ, որ ինչ որ մեկը կկարողանա փոխարինել Ռուսաստանին որպես արտաքին անվտանգության տեսակետից Հայաստանի երաշխավոր: Որպես օրինակ նշվում է Ֆրանսիան և նշվում են այլ ուտոպիստական գաղափարներ, քանի որ նրանք իրոք ունեն այդ ուտոպիստական գաղափարները», - կարծիք է հայտնել նա:
Ըստ Կոլերովի .«Կրեմլը կարիք չունի ռազմական օբյեկտների Հայաստանի տարածքում 2008 թվականից հետո, երբ Աբխազիայում և Հարավային Օսիայում ռուսական ռազմաբազաներ են ստեղծվել»:
Նա համոզված է, որ «Ռուսաստանը Երևանի պնդմամբ ստիպված կլինի հետ կանչել իր բազաները Հայաստանից», բայց «Հավաքական Արևմուտքը չի կարող և չի ցանկանա ապահովել Հայաստանի անվտանգությունը»: Գյումրիի 102-րդ ռազմաբազան ստեղծվել է 1992 թվականին Ռուսաստանի և Հայաստանի միջև համաձայնագրով Խորհրդային բանակի Անդրկովկասյան ռազմական շրջանի 127-րդ մոտոհրաձգային դիվիզիայի հիման վրա: Ռուսաստանի զինված անձնակազմը տեղակայված է Գյումրի քաղաքում և Երևանում, ինչպես նաև հանրապետության մայրաքաղաքի մոտակայքում գտնվող համատեղ օգտագործվող «Էրեբունի» օդանավակայանում: Անձնակազմի քանակը մոտ 4 հազար մարդ է: Ռազմաբազան հագեցած է С-300 զենիթահրթիռային համակարգերով, ՄիԳ -29 կործանիչներով, ՄԻ-24Պ և ՄԻ -8Մ ուղղաթիռներով, տանկերի որոշակի քանակով, հետևակի մարտական մեքենաներով, ավտոմեքենաներով և այլ հատուկ տեխնիկայով:
Նյութը հրապարակման պատրաստեց Կամո Խաչիկյանը
