Երևանի քաղաքապետարանը ստացել է հանրային տրանսպորտի պլանավորման ծրագրային համակարգեր
ՀԱՍԱՐԱԿՈՒԹՅՈՒՆ
nnit.ru-ն գրում է, որ տրանսպորտի պլանավորման ոլորտում փորձառություն ունեցող SIMETRA ընկերությունը Երևանի քաղաքապետարանը վերազինել է PTV Vissim ծրագրային համալիրներով: Ծրագրային ապահովման արտադրանքը նախատեսված է ուղևորների և երթևեկության հոսքերի ինտենսիվությունը կանխատեսելու, տրանսպորտային ցանցը վերլուծելու և ենթակառուցվածքների զարգացման տարբերակները գնահատելու համար:
«Հայաստանի մայրաքաղաքի բնակչությունը մեկ միլիոնից ավելի է, այն տրանսպորտի, նյութատեխնիկական և զբոսաշրջության խոշոր կենտրոն է, և ամեն տարի աճում ու զարգանում է», - ասել է Երևանի քաղաքապետարանի ներկայացուցիչը,- մեր հիմնական խնդիրներն են ապահովել կայունություն, շարժունակություն և մատչելի քաղաքային միջավայրի զարգացում: PTV Vissim ծրագրային արտադրանքը կօգնի մեզ գրագետ հաշվարկել հարյուրավոր ամենափոքր նրբությունները և իրականացնել տրանսպորտային պլանավորման արդյունավետ քաղաքականություն»:
PTV Vissim ծրագրային փաթեթը կարող է օգտագործվել տրանսպորտային խնդիրների մեծ մասը լուծելու համար: Մասնավորապես, այն թույլ է տալիս մանրամասն մոդելավորել ճանապարհային ցանցը ՝ հաշվի առնելով իրատեսական ճանապարհային իրավիճակը: Ծրագրակազմը ենթակառուցվածքների նախագծման փուլում թույլ է տալիս արդեն նախագծել, պատկերացնել և վերլուծել երթևեկի կազմակերպման հիմնական տարբերակները` առավել օպտիմալ եղանակ ընտրելու համար:
«Ժամանակակից ծրագրակազմը և վերջին զարգացումները տրանսպորտային ինժեներներին թույլ են տալիս հիմնովին նոր մակարդակով լուծել երկրի համար կարևորագույն խնդիրները: Տեխնիկական սարքավորումները կարևոր դեր են խաղում նրանց աշխատանքում. շուկան վերլուծելով մենք տեսնում ենք, որ գործնականում ավելի ու ավելի շատ ընկերություններ են հանգում այդ եզրակացության », - ասել է SIMETRA ընկերության գործադիր տնօրեն Վլադիմիր Շվեցովը:
Նյութը հրապարակման պատրաստեց Կամո Խաչիկյանը
