Ֆեյքերը այսօր իսկապես լուրջ խնդիր են
ՎԵՐԼՈՒԾՈՒԹՅՈՒՆՆԵՐ
Արդեն մի քանի օր է ինչ մեկնարկել է նախընտրական քարոզարշավը։ Բոլոր քաղաքական ուժերը օգտագործելով բոլոր հնարավոր միջոցները, իրենց քաղաքական ծրագրերն են ներկայացնում և ցեխ շպրտում մեկը-մյուսի վրա։
Քաղաքական ուժերը ակտիվ քաղաքական գործունեություն են ծավալում նաև սոցիալական մեդիայում և ի տարբերություն նախորդ տարիների, այս անգամ մեդիան բավականին օգտագործվում է բոլոր ուժերի կողմից։ Այս թեմայով զրուցել ենք մեդիափորձագետ Սամվել Մարտիրոսյանի հետ։
Հարցին, թե այս օրերին ի՞նչ է կատարվում սոցցանցերում` մեդիափորձագետը պատասխանել է․ «Սոցիալական մեդիան բավական ակտիվ է կիրառվում: Քաղաքական ուժերը մեդիան օգտագործվում են ամբողջ ծավալով՝ Տիկ Տոկից մինչև Ֆեյսբուք. կիրառվում են ինչպես նախկինում օգտագործված ստանդարտ գործիքներ, այնպես էլ՝ նոր տարբերակներ։ Այս անգամ նրանք ոչ միայն քաղաքական ուժերն են անմիջականորեն ներգրավված, այլև փորձում են ներգրավել նաև ազդեցություն ունեցող մարդկանց, այսպես կոչված՝ ինֆլուենսերների։ Քաղաքական պայքարը նույնիսկ օրեցօր չէ, ժամ առ ժամ անկում է ապրում: Կեղծ նորությունները դարձել են հիմնական գործիքներից մեկը, որովհետև քարոզարշավն ավելի շուտ ուղղված է հակառակորդին սևացնելու, քան սեփական անելիքները ներկայացնելու։ Դրան գումարած նաև արտաքին ազդեցությունն է ուժեղացած, մի շարք երկրներից կեղծ և մանիպուլյատիվ լուրերի ներթափանցում կա։ Ինչ վերաբերում է ֆեյքերին, ապա կարող եմ ասել, որ դա այսօրվա հիմնական խնդիրն է, քանի քաղաքական պայքարը, շատ կեղտոտ է անցկացվում, իսկ կեղծ լուրերն ու նորություններն էլ դարձել են հիմնական գործիքներից մեկը»։
Սոնա Գիշյան
