Կորոնավիրուսը երկու անգամ գերազանցել է սեզոնային գրիպին իր բարդություններով
ՀԱՍԱՐԱԿՈՒԹՅՈՒՆ
lenta.ru-ն գրում է, որ կորոնավիրուսի բարդությունների քանակը կրկնակի ավելին է, քան այն, ինչը կարող է լինել սեզոնային գրիպի արդյունքում: Այդ մասին հայտարարել է Ռուսաստանի առողջապահության նախարար Միխայիլ Մուրաշկոն: Նախարարը պարզաբանել է, որ COVID-19-ից գրիպի և այլ շնչառական հիվանդությունների հիմնական տարբերություններից մեկը նյարդային համակարգի հետ կապված բարդությունների հավանականությունն է, որոնք կարող են լինել և՛ նյարդաբանական, և՛ հոգեբուժական: Ըստ նրա՝ պատվաստանյութը կթեթևացնի հիվանդության ընթացքը և հետևանքները:
Սկվորցով-Ստեփանովի անվան թիվ 3 հոգեբուժական հիվանդանոցի գլխավոր բժիշկ Ալեքսանդր Սոֆրոնովը խոսել է հոգեկան առողջության վրա կորոնավիրուսի ազդեցության մասին: Ըստ նրա՝ Սանկտ Պետերբուրգում նման բարդություններ նկատվել են COVID-19-ով յուրաքանչյուր հիվանդի մոտ: Նրանց համար դժվար է կենտրոնանալ, և նրանք կորցնում են զրույցի թելը: Նա նաև ավելացրել է, որ անհանգստության խանգարումները դեպրեսիային անցնելը հիվանդության ամենաքիչ ծանր հետևանքներից է: Որոշ հիվանդներ ունեն նաև փսիխոզներ, «որոնց առաջանալը դժվար է բացատրել COVID-19-ից բացի այլ գործոններով»:
Ջորջ Մեյսոնի համալսարանի համակարգային կենսաբանության դպրոցի պրոֆեսոր Անժա Բարանովան էլ ասում է, որ մարդիկ, ովքեր տառապել են մեղմ կամ ասիմպտոմատիկ COVID-19-ով, դեռ կարող են բախվել վարակի այնպիսի առողջական հետևանքների, ինչպիսին է նյարդապաթոլոգիան, իսկ որոշ դեպքերում նյարդային համակարգի հիվանդությունը կարող է վտանգավոր լինել ...
Նյութը հրապարակման պատրաստեց Կամո Խաչիկյանը
