Իմունոլոգը բացատրել է, թե արդյոք պետք է կորոնավիրուսով նախկինում հիվանդացածը պատվաստվի
ՀԱՍԱՐԱԿՈՒԹՅՈՒՆ
kp.ru-ն գրում է, որ իմունոլոգ, բժշկական գիտությունների թեկնածու, «Կլինիկակալ Էքսելանս գրուպ»-ի գլխավոր տնօրեն Նիկոլայ Կրյուչկովը պատմել է, թե արդյո՞ք նրանք, ովքեր արդեն ունեցել են կորոնավիրուսային վարակ, պետք է պատվաստվեն որոշ ժամանակ անց: Նրա կարծիքով, պետք չէ շտապել պատվաստանյութի ներարկման հարցով, քանի որ սովորաբար հակամարմինները անձին անընկալությամբ են ապահովում հիվանդությունից 6-7 ամիսների ընթացքում:
«Ներկայումս արդեն հիվանդություն տարած մարդկանց խորհուրդ է տրվում չպատվաստվել հիվանդության ավարտից անմիջապես հետո, քանի որ հիվանդությունից հետո վաղ շրջանում արդեն գործում է հատուկ իմունային պատասխանը, առկա է լինում պաշտպանիչ գործառույթը և օրգանիզմի բավարար պաշտպանվածությունը: սակայն դժվար է ասել, թե ինչքան կտևի դա, սովորաբար դա տևում է 6-7 ամիս», - Sputnik ռադիոյին տված հարցազրույցում ասել է Կրյուչկովը:
Փորձագետը նաև հավելել է, որ 6-9 ամիս անց արդեն պետք է պատվաստվել:
«Իրական միջակայքը մի փոքր ավելի մեծ կլինի. վարակվելուց հետո մինչև մոտ 10 ամիս: Ամենայն հավանականությամբ, անընկալությունը արդյունավետորեն բարձրացնելու համար բավական կլինի միայն մեկ ներարկում, և ոչ թե երկու», - եզրափակել է Կրյուչկովը:
Նյութը հրապարակման պատրաստեց Կամո Խաչիկյանը
