Պղնձի գինն աճում է ավելի քան 1 տոկոսով

Պղնձի գինը երկուշաբթի առավոտյան աճում է՝  պատվաստումների մակարդակի արագացման հետեւանքով COVID-19-ի համավարակից հետո գլոբալ տնտեսության վերականգնման հույսերի ամրապնդման ֆոնին, վկայում են աճուրդների տվյալները, փոխանցում է  «Փրայմ»-ը:

Comex-ում պղնձի մայիսյան ֆյուչերսների գինն աճել է 1.35 տոկոսով՝  մեկ ֆունտի (մոտ 0,45 կիլոգրամ) դիմաց հասնելով 4.2 դոլարի:

Ուրբաթ Լոնդոնի մետաղների բորսայում (LME) աճուրդների արդյունքում պղնձի մեկ տոննայի արժեքը նվազել է 0.79 տոկոսով՝ մինչեւ 9211 դոլար, ալյումինի գինը՝ 1.03 տոկոսով՝ մինչեւ 2315 դոլար, ցինկի գինը՝ 0.3 տոկոսով՝տոննայի դիմաց մինչեւ 2856 դոլար: