ԼԱՐՎԱԾ Ու ՊԱՅԹՈւՆԱՎՏԱՆԳ իրավիճակ «Փոքր Մհեր» կրթահամալիրում. երեխաները պահանջում են տնօրենի հրաժարականը, ով իրենց անվանում է «հորթ», «դիշովկա» և այլն

shamshyan.com-ը գրում է.

Այսօր՝ նոյեմբերի 28-ին, վաղ առավոտվանից արտակարգ ու լարված իրավիճակ է ստեղծվել Կոտայքի մարզի Քանաքեռավան գյուղի վարչական տարածքում գտնվող «Փոքր Մհեր» կրթահամալիրում։ Ինչպես տեղից հայտնում է ֆոտոլրագրող Գագիկ Շամշյանը, կրթահամալիրի բոլոր սաները՝ ի նշան բողոքի, շարային երթ են անում հրապարակում ու պահանջում տնօրենի հրաժարականը։

Ֆոտոլրագրողի հետ զրույցում սաներն ասում էին. «Տնօրենը հայտնի հերոսի՝ Կապույտ Մորուքի չար մարդու կերպար է մեզ մոտ ընկալվում. անհարգալից վերաբերմունք է ցուցաբերում ոչ միայն սաների, այլև սպաների նկատմամբ ու անհարկի դիտողական արտահայտություններ է անում բոլորիս հասցեին՝ մեզ «համարելով հորթեր, դիշովկաներ» և սպառնալիքներ է տալիս մեր հասցեին։

Ոչ մի անգամ նման տնօրեն չենք ունեցել։ Սպաներն էլ շատ հոգատար էին մեր նկատմամբ, սակայն նրա՝ այստեղ գալուց հետո ամբողջ կրթահամալիրում տիրում է անառողջ մթնոլորտ։ Հուսով ենք, որ վերադասը հետևություններ կանի ու այդ վայ-տնօրենին կհեռացնի զբաղեցրած պաշտոնից, ով 1 ամիս առաջ է նշանակվել, և երբեմնի բարի համբավ ունեցող կրթահամալիրում արշալույսները կխաղաղվեն։Եթե մեր խնդիրը չլուծվի, ավելի լավ է՝ բոլոր սաներով դուրս գանք կրթահամալիրից։ Մեզ պետք չի նման տիպի ուսում»։

Լուսանկարները՝ Գագիկ Շամշյանի