Թուրքիայում հաստատել են Bayraktar անօդաչու թռչող սարքի գործարքն Ուկրաինայի հետ
ՄԻՋԱԶԳԱՅԻՆ
Ուկրաինան արդեն գնել է թուրքական Bayraktar անօդաչու թռչող սարքերը, դրանց արտադրամասն այցը շաբաթ օրը նախագահ Վլադիմիր Զելենսկու՝ Թուրքիա այցի ընթացքում նախատեսված չէ, «ՌԻԱ Նովոստի»-ին հայտնել են թուրքական անօդաչու թռչող սարքերի առաջատար Baykar ընկերության մամուլի ծառայությունից:
«Զելենսկին չի պատրաստվում այցելել մեր գործարան: Դրա համար ոչ մի նախապատրաստություն չկա: Եթե Ուկրաինայի նախագահը քննարկի ռազմական համագործակցությունը, ապա՝ ոչ թե մեզ, այլ պաշտպանության նախարարության եւ Նախագահի աշխատակազմի հետ: Այն, ինչ մեզ հետ է կապված, անօդաչու թռչող սարքերի, այդ թվում՝ հարվածային, գնումն է (ուկրաինացիների կողմից): Բայց դրանք արդեն գնել են»,- հայտնել են Bayraktar-ի մամուլի ծառայությունից:
Վլադիմիր Զելենսկին է Bayraktar անօդաչու թռչող սարքերի արտադրամաս էր այցելել 2019-ի օգոստոսին Թուրքիա կատարած այցի ընթացքում:
2019-ի հունվարին այն ժամանակվա նախագահ Պետրո Պորոշենկոն հայտարարել է ուկրաինական բանակի համար թուրքական Bayraktar TB2 անօդաչու թռչող սարքերի գնման վերաբերյալ Թուրքիայի հետ համաձայնագիր ստորագրելու մասին: Մարտին նա հայտարարել է դրանց մատակարարման եւ Ուկրաինայում հաջող փորձարկման մասին: Պորոշենկոն նշել էր նաեւ, որ թուրքական հարձակողական անօդաչու թռչող սարքերը կմատակարարվեն հատուկ գործողությունների ուժերի, դեսանտայինների, մոտորիզացված զորքերի եւ այլ զորամասերի ստորաբաժանումներին:
