Գիտնականները երկրի մթնոլորտում աղետ են կանխատեսել
ՀԱՍԱՐԱԿՈՒԹՅՈՒՆ
Ապագայում Երկրի մթնոլորտը կկորցնի ամբողջ ազատ թթվածինը: Այս եզրակացությանն են եկել Տոհոյի համալսարանի ճապոնացի գիտնական Կազումի Օզակին և նրա ամերիկացի գործընկեր Քրիստոֆեր Ռայնհարդը՝ Ջորջիայի տեխնոլոգիական ինստիտուտից: Հետազոտությունը հրապարակվել է Nature Geoscience ամսագրում:
Մասնագետները մոդելավորել են մեր մոլորակի մթնոլորտի էվոլյուցիան՝ հաշվի առնելով երկրաբանական, կենսաբանական և կլիմայական գործոնները: Արդյունքում, նրանք պարզել են, որ երկրի մթնոլորտը կմնա համեմատաբար կայուն շուրջ մեկ միլիարդ տարի, իսկ դրանից հետո, մի քանի հազար տարի անց, այն գործնականում թթվածին չի ունենա:
Գիտնականների կարծիքով՝ աղետի պատճառը կլինի Արեգակի ակտիվության աճը, որի պատճառով մթնոլորտում ածխաթթու գազի պարունակությունը կնվազի: Երբ այս ցուցանիշը հասնի կրիտիկական կետի, ֆոտոսինթեզի գործընթացը խաթարվելու է մոլորակի վրա, և թթվածինը կդադարի մթնոլորտ մտնել:
«Կենսոլորտը չի հասցնի հարմարվել շրջակա միջավայրի այդպիսի նշանակալից փոփոխություններին», – եզրակացրել են գիտնականները:
