3 եղանակ քունն առնելու և վաղ արթնանալու համար
ՀԱՍԱՐԱԿՈՒԹՅՈՒՆ
Հանգիստ և խոր քունն անփոխարինելի է օրգանիզմի կենսագործունեության համար, որի խախտման դեպքում կորցնում ենք մեր էներգիան, արդյունավետությունը և առողջությունն ընդհանուր առմամբ:
Մեզանից շատերը ստիպված են շուտ արթնանալ տարբեր պատճառներով, և այս պարագայում կարևոր է հետևել քնի որակին և անհրաժեշտ ժամաքանակին: Այս մասին գրում է AdMe.ru-ն և ներկայացնում խորհուրդներ, որոնց հետևելով կարելի է վերականգնել էներգիայի պակասն ու վաղ արթնանալ առավոտյան:
1. Վաղ արթնանալու համար պետք է շուտ պառկել քնելու
Շուտ քնելով` ուժերը վերականգնելու հնարավորությունն ավելի մեծ է լինում` հաշվի առնելով առավոտյան վաղ արթնանալու հանգամանքը: Փորձագետները նշում են, որ գերհոգնած, հիվանդ վիճակում կամ էմոցիոնալ սթրեսի պարագայում մարդ պետք է 9-12 ժամ քնի:
2. Կես ժամանոց քուն օրվա ընթացքում
Որոշեք, թե օրվա որ ժամին եք էներգիայի սպառում և հոգնածություն զգում: Այդ ժամին պետք է մի փոքր շունչ քաշել և 20-30 րոպեով ննջել, ինչը կվերադարձնի օրգանիզմի կենսունակությունը:
3. Երկու զարթուցիչ լարեք առավոտվա համար
Երկու տարբեր զարթուցիչներ լարեք`5 րոպե տարբերությամբ և տեղադրեք մահճակալից հեռու: Խորհուրդ է տրվում զարթուցիչի ձայն ընտրելիս ոչ հաճելի մեղեդի դնել:
