Կենտրոնական գրադարանում տեղի է ունեցել հայկական ժողովրդական երաժշտական գործիքների ցուցահանդեսը
ՄՇԱԿՈՒՅԹ
mouhta.ru-ն գրում է, որ Հայաստանը եզակի պետություն է` հարուստ դարավոր պատմությամբ, ավանդույթներով և սովորույթներով: Զարմանալի երկիր է, որը լի է տարբերակիչ ավանդույթներով, անկեղծ մարդկանցով, գեղեցիկ տեսարաններով: Բացի այդ, հանրապետությունը հայտնի է իր հիանալի երաժշտությամբ, որը սերունդների միջոցով հասել է մեր ժամանակները:
Ուխտայի կենտրոնական գրադարանում «Եկեք բարեկամանանք ազգերով» ցուցահանդեսի շրջանակներում տեղի է ունեցել հայկական ժողովրդական գործիքների ցուցադրություն: Միջոցառումն անց է կացվել «Ուրարտու» ազգային-մշակութային միության անդամների կողմից, իսկ հյուրերը եղել են ուֆացիները:
Միության ղեկավար Գագիկ Մելիքսեթյանը խոսել է հայկական երաժշտական մշակույթի մասին: Նա ցուցադրել է հայկական երաժշտական գործիքների ձայնը, պատմել, թե ինչպես են դրանք հայտնվել, ինչից են պատրաստված, և ինչպես կարելի է նրանցով նվագել:
Ներկայացված գործիքներից մեկը, որը ուշադրություն է գրավել, հին արևելյան լարային-պրկված պարանոցազուրկ գործիք քանոնն է, որը նման է ռուսական գուսլինին: Քանոնն ունի 26 լար և 3 օկտավա ձայն: Այն պատրաստում են եղևնու կամ մայրու փայտից, իսկ պատրաստման գործընթացը տևում է 4-ից 6 ամիս:
Ազգային և մշակութային համայնքների ցուցահանդեսները նվիրված են Կոմիի Հանրապետության 100-ամյակին: Ցուցահանդեսները փոխվում են ամեն ամիս: Օրինակ մարտ ամսին վրացական Ռուսթավելի համայնքը «Ազգային մշակույթների առանձնահատկությունները» ցուցահանդեսում կներկայացնի ազգային կենցաղային պարագաներ և կենցաղային իրեր:
Նյութը հրապարակման պատրաստեց Կամո Խաչիկյանը
