Ճապոնիան մարդասիրական օգնություն կցուցաբերի Հայաստանին` կապված ղարաբաղյան պատերազմի հետևանքով առաջացած ճգնաժամի հետ
ՀԱՍԱՐԱԿՈՒԹՅՈՒՆ
sng.today-ը գրում է, որ Ճապոնիայի արտաքին գործերի նախարարությունը հայտարարել է, որ մտադիր է անհապաղ մարդասիրական օգնություն տրամադրել Հայաստանին՝ Հայաստանի ու Ադրբեջանի միջեւ ԼՂՀ-ի պատերազմից հետո առաջացած մարդասիրական ճգնաժամի պատճառով: Նվիրատվության գումարը 3,6 միլիոն դոլլար է: Այս մասին հայտնել է Ճապոնիայի ԱԳՆ մամուլի ծառայությունը:
Այսպիսով, նախատեսվում է 6 հիվանդանոցներում անց կացնել բժշկական և տեխնիկական ուսուցում և բժշկական հաստատություններում բժշկական սարքավորումների տեղադրում, մաքուր ջրի հասանելիությունը ապահովելով 3 հիմնական դպրոցում ձեռքի լվացման միջոցների կազմակերպում, 2.3 հազար մարդու հիգիենայի պարագաներով և այլ անհրաժեշտ իրերով ապահովում: Բացի այդ, նախատեսվում է վերանորոգել տարհանման երեք կետեր ու 15 դպրոցներ, ինչպես նաև տրամադրվելու են ուսումնական նյութեր:
Նշվել է, որ մարդասիրական օգնություն կտրամադրվի նաև Ադրբեջանին 1,2 միլիոն ԱՄՆ-ի դոլարի չափով: Նախատեսվում է այդ միջոցներն օգտագործել մեկ հիվանդանոցին սարքավորումներ մատակարարելու, 500 մարդու մաքուր ջրով ապահովելու, 6400 անձի ապաստարաններ և ձմեռային բնակարաններ մարդասիրական օգնություն մատակարարելու և 8000 մարդու սննդային օգնություն տրամադրելու համար:
Նյութը հրապարակման պատրաստեց Կամո Խաչիկյանը
