Ռուսաստանը կավարտի «Ակկույու» ատոմային կայանի կառուցումը Թուրքիայի համար 2027 թվականին, ապա կսկսի ատոմակայան կառուցել Հայաստանում
ՀԱՍԱՐԱԿՈՒԹՅՈՒՆ
akcent.site-ն գրում է, որ «Ատոմային արդյունաբերական համալիրի զարգացում» պետական ծրագրի նոր խմբագրության մեջ նշում է արտասահմանում Ռուսաստանի կողմից միայն մեկ ատոմակայանի կառուցման ծրագիր: Դա Թուրքիայում Միջերկրական ծովի ափին գտնվող «Ակկույու» ատոմակայարանն է:
«Ռոսատոմը» նախատեսում է այդ ատոմակայանի առաջին 3 ատոմային էներգաբլոկները կոմերցիոն շահագործման հանձնել 2025-2027 թվականներին: Բացի այդ, չորրորդ էներգաբլոկի կառուցման վերաբերյալ կիրականացվի «աշխատանքների նախանշված ծավալը»: «Ակկույու»-ն կդառնա առաջին ատոմակայանը Թուրքիայում և ամենամեծը Մերձավոր Արևելքում:
«Ատոմային» պետական ծրագրի նոր տարբերակը ստորագրել է վարչապետ Միխայիլ Միշուստինը: «Ակկույու»-ի շինարարությունը վերահսկելու է «Ռոսատոմ» պետական կորպորացիայի տնօրենի առաջին տեղակալ Կիրիլ Կոմարովը:
«Ռոսատոմն» իր արտասահմանյան աշխատանքների ծրագրերում հայտարարում է Եգիպտոսում, Չինաստանում, Ֆինլանդիայում, Բանգլադեշում և Բելառուսում նոր ատոմակայաններ կառուցելու մասին: Բայց ներկայացված պետական ծրագրում այդ կայարանները, ի տարբերություն թուրքական «Ակկույուի», ընդհանրապես չեն նշվում:
Ավելի վաղ, Հայաստանի Հանրապետության կառավարությունը հայտարարել էր նոր ատոմակայան կառուցելու պլանների մասին, որը 2036 թվականից հետո պետք է փոխարինի Մեծամորի ատոմակայանին: Ընդ որում, Հայաստանը «Ռոսատոմը» համարում է դրա ամենահավանական, և հնարավոր է միակ գլխավոր կապալառուն:
Նյութը հրապարակման պատրաստեց Կամո Խաչիկյանը
